Жогорку Кеңештин жыйынында депутат Салтанат Аманова министрлер кабинетине кайрылып, өлкө аймагындагы бардык порнографиялык сайттарды бөгөттөө зарылдыгын билдирди. Бул демилге кылмыш-жаза, кылмыш-жаза-процесстик кодекстерине жана укук бузуулар жөнүндөгү кодекске өзгөртүүлөрдү талкуулоо учурунда айтылды.
Аманованын айтымында, эл аралык тажрыйбада ушундай ресурстарга катаал чектөөлөр кеңири колдонулат жана ата-энелер балдардын колдонмолорун жана интернет-контентти көзөмөлдөшөт. Ал министрлер кабинетин мыйзамдарга ылайыктуу өзгөртүүлөрдү иштеп чыгууга үндөдү.
Мындай сайттар жашы жете электерге терс таасирин тийгизет. Коркпостон, өзгөртүүлөрдү иштеп чыккыла, биз карап чыгабыз.
Санариптештирүү боюнча эксперт Марат Торобеков сунушталып жаткан өзгөртүүлөр Кылмыш-жаза кодексинин 162-беренесине — «Баланы порнобизнеске тартуу» — тиешелүү экенин түшүндүрдү. Ага телекоммуникациялык тармактарды колдонуу менен порнографиялык материалдарды таратуу жөнүндө жобо киргизүү пландалууда.
Бирок депутат бул өзгөртүүлөр порносайттарга толук тыюу салууну карабайт деп белгиледи. «Мындай сайттар жашы жете электерге терс таасирин тийгизет. Коркпостон, өзгөртүүлөрдү иштеп чыккыла, биз карап чыгабыз», — деди ал.
Эскерте кетсек, Кыргызстанда буга чейин да айрым порнографиялык ресурстар министрлер кабинетинин жана Жогорку Кеңештин чечимдери менен бөгөттөлгөн. Демилгечилер мындай сайттар аялдарга жана балдарга карата зомбулукту козутат деп эсептешет.
