«Ынтымак Ордо» имаратында Чынгыз Айтматовдун туулган күнүнүн 100 жылдыгын мамлекеттик жана эл аралык деңгээлде белгилөө максатында уюштурулган комитеттин биринчи жыйыны өттү.
Жыйында уюштуруу комитетинин мүчөлөрү, президент администрациясынын өкүлдөрү, министрликтердин жана мамлекеттик мекемелердин жетекчилери жана жооптуу кызматкерлери катышты.
Жыйындын талкуулары жана тапшырмалар
Күн тартибинде Чынгыз Айтматовдун 100 жылдыгына арналган майрамдык жана маданий иш-чараларды уюштуруу маселелери каралып, пландалган иштердин жүрүшү талкууланды.
Министрлер кабинетинин төрагасы Адылбек Касымалиев жыйындын ачылышында президенттин тиешелүү жарлыгынын негизинде иш-чаралар планы бекитилгенин белгилеп, юбилейдик иш-чараларды жогорку деңгээлде өткөрүү зарылдыгын айтты.
Ошондой эле ал бардык жооптуу мамлекеттик органдарга тапшырмалар так жана өз убагында аткарылышы керектигин баса белгиледи.
