Бишкек шаарынын түштүк бөлүгүндөгү бир нече райондордо суу берүү эки күнгө токтотулат. Бул тууралуу шаар мэриясы расмий билдирүү таратты.
Суу токтотуу иштери 14-июлда саат 09:00дөн баштап 15-июлда саат 08:00гө чейин уланат. Иш чаралар 600 мм диаметри бар суу түтүгүндө авариялык-калыбына келтирүү иштерине байланыштуу жүргүзүлөт.
Суу өчүрүлө турган аймактар
- Асанбай кичи району (Куттубаев көчөсүнөн С. Батор көчөсүнө чейин) жана Асанбай 40/1
- 6-кичи район толугу менен
- 5-кичи райондун жарым-жартылай бөлүгү
- 8-кичи райондун түштүк тарабы (сууда басым төмөндөйт)
- Ала-Арча-1, Ала-Арча-2, Ала-Арча-3, Орто-Сай-2 турак жай шаарчалары
- Сары-Өзөн конушу жана Француз кварталынын батыш тарабы
- "Газпром" мектеби
Суунун токтотулушу турак жайларга, мектептерге, бала бакчаларга, саламаттыкты сактоо мекемелерине жана башка социалдык-өндүрүштүк объекттерге тиешелүү.
"Бишкексууканал" ишканасы тургундар менен мекемелерди ичүүчү сууну алдын ала камдап алууга чакырат.
