Бишкек шаарында 11-июлда мамлекеттик «Кыргызсериал» тарабынан тартылган «Эрезе» көркөм тасмасынын бет ачаары өттү. Иш-чарага маданият министринин катчысы Арслан Койчиев, маданият жана кинематография тармагынан өкүлдөр жана көрүүчүлөр катышты.
«Эрезе» тасмасы 28-Шанхай эл аралык кинофестивалында диплом менен сыйланды жана эл аралык кесиптик коомчулуктун жогорку баасын алган. Сценарийдин жана режиссёрдун автору Наргиза Дотиева, продюсери Гульнара Касмамбетова.
Фильм Айбек аттуу өспүрүмдүн чек ара аймагында жашоосу тууралуу баяндайт. Башкы каарман аркылуу саясий чоң окуялардын бир карапайым адамдын турмушуна тийгизген таасири көркөм баяндалган.
Тасмада мекен, тарыхый эскерүүлөр, туруктуулук, маданий мурас, бөлүнүп-жарылуу жана чек арадагы жашоонун өзгөчөлүктөрү темалары терең камтылган.
Бул долбоор Британиялык өнөктөштөр менен бирдикте ишке ашырылган.
