Акыркы суткада Украинадагы согуш аракеттеринин фонунда дүйнөдө жана өлкө ичинде бир катар маанилүү окуялар катталды. Крым көпүрөсүнө Украинанын куралдуу күчтөрү тарабынан кайрадан чабуул жасалып, ал жерден транспорт кыймылы токтотулду. Бул окуя боюнча дүйшөмбү күнү эртең менен эле чектелген кыймыл жөнүндө маалымат берилген болчу.
Ошондой эле, Россиянын президенттинин жардамчысы Юрий Ушаковдун билдирүүсүнө караганда, Москва Украинадагы тынчтык сүйлөшүүлөрүнө Европа өлкөлөрүнүн катышуусуна макулдук берген эмес. Буга чейин Дональд Трамптын атайын өкүлдөрү Стив Уиткофф жана Джаред Кушнер Владимир Путин менен жолугушуудан кийин Москва Европа өлкөлөрүнүн сүйлөшүүлөргө кошулушуна каршы эмес экенин айтышкан.
Украинадагы соккулар
Черкассы облустун аскердик администрациясынын башчысы Игорь Табурецтин маалыматы боюнча, шейшемби күнү түндө россиялык аскерлер Смиля шаарына баллистикалык ракета менен сокку уруп, ал жерде үч адам жаракат алган.
Киев шаарынын мэри Виталий Кличконун айтымында, дүйшөмбү күнү кечинде Украинанын борборуна баллистикалык ракеталар менен чабуул жасалган. Сокку учурунда Түндүк жана Түштүк көпүрөлөрүнө сокку урулгандыгы билдирилди.
Москвадагы окуялар
Москва шаарына да дрондор менен чабуул жасалды. Мэр Сергей Собяниндин билдирүүсүнө ылайык, борго карай учкан дрондордун көпчүлүгү түшүрүлгөн.
Ошондой эле, Россиянын Тергөө комитети Украинанын мурдагы премьер-министринин пресс-секретери Сергей Заворотногога кол салууда шектелген адам кармалганын билдирди. Анын унаасы өткөн жумада жарылуудан улам жабыркаган болчу. Кармалган адам 2005-жылы туулган москвалык айым экен.

















