Нью-Йоркто Гарлем районуна жайгашкан Kingdome стритбол турниринде Литванын экинчи баскетбол лигасынын мурдагы чемпиону Кину Рочфорд жараат алып, каза болду.
Полиция маалыматы боюнча, 35 жаштагы спортчун менен белгисиз адам арасында матчтардын ортосунда келишпестик чыгып, кечинде ал киши ок атып жиберген.
Рочфорд башынан ок жеп ооруканага жеткирилип, бирок дарыгерлер аны сактап кала алган жок. Андан тышкары дагы эки адам жараалып, алардын бири 28 жаштагы эркек, экинчиси 22 жаштагы аял экен.
Окуя болгон жерде болжол менен 500гө жакын көрүүчүлөр отурган. Ок атуучу жайдан качып кеткен жана аны издөө иштери уланууда.
Кину Рочфорд өзгөчө Farleigh Dickinson университетинде оюнчу болуп, Европада 12 клубда ойноого үлгүргөн. 2017-жылы Литванын экинчи лигасында чемпион аталып, акыркы учурда Косовдогу Golden Eagle Illy командасында 2021-жылы акыркы маалын өткөргөн.
Нью-Йорк шаарынын мэри Зохран Мамдани каза болгон баскетболчунун үй-бүлөсүнө жана жакындарына көңүл айтты.
