Кыргызстандын саламаттык сактоо министри Дамир Осмонов алгачкы балдар хосписине барып, ал жерде балдар, алардын ата-энелери жана медициналык кызматкерлер менен жолукту.
Мамлекеттик колдоо алкагында сегиз бала үйдө колдонууга арналган дем алуу (ИВЛ) аппараттарын алышты. Андан сырткары, тогуз балага өмүрлүк маанилүү медициналык керектөөлөрдүн жылдык запасы тапшырылды.
Альгачкы балдар хосписинин негиздөөчүсү Динара Умарджан Дамир Осмонов саламаттык сактоо министри болуп келгенден кийин алгачкы жолу бул жайды зыярат кылаарын белгиледи.
Алгачкы балдар хосписи 2016-жылдан бери иштеп келет жана Кыргызстанда балдарга паллиативдик жардам көрсөтүүчү бирден-бир адистештирилген мекеме болуп саналат.
Динара Умарджан министрдин визити балдарга паллиативдик жардамдын системалуу өнүгүүсү жана мамлекет, медицина тармагы менен хоспистин тыгыз кызматташуусунун башталышы болооруна үмүттөнөрүн билдирди.
