Кыргызстанда бажы төлөмүн өткөрбөй киргизилген электр унааларын башка ЕАЭБ өлкөлөрүнө же башка чет өлкөлөргө кайра сатууга жол берилбейт.
Муну Министрлер кабинетинин экономика жана коммерция министринин орун басары Султан Ахматов басма сөз жыйын учурунда маалымдады.
ЭЭК тарабынан бекитилген 10 миң унаага чейинки кошумча квота ички базардын талаптарын канааттандыруу үчүн гана бөлүнгөн, ал ири импорттоочулар арасында бөлүштүрүлбөйт.
Квотадан пайдалануучу ар бир жаран бажыда расмий каттоого алууга байланыштуу кезек аркылуу электр унаасын алууга мүмкүнчүлүк алат.
Эгерде электр унааны республика сыртына кайра сатуу каалынса, ал учурда толук бажы төлөмүн – 15% төлөп, каттоодон чыгарууга гана уруксат берилет.
Азыркы убакта убактылуу сактоо жайларында болжол менен 500 электр унаасы бар, алардын каттоосу Мамлекеттик бажы кызматы тарабынан жүргүзүлүүдө.
