Колумбиянын батышындагы Чоко департаментинин Сан-Хосе-дель-Пальмар аймагында 10-август күнү саат 07:34төрдө жер титирөө катталды.
Алгач магнитудасы 6,7 деп айтылса, кийин Геологиялык кызматы бул көрсөткүчтү 7,4кө көтөрдү. Жер алдында очогунун тереңдиги болжол менен 96 километрге жетет.
Чоконун губернатору Нубия Каролина Кордоба баса белгилегендей, борбор шаар Кибдодо имараттар бузулуп, жаракат алгандар бар. Учурда так саны белгилүү эмес, өкмөттүк органдар зыяндын масштабын изилдеп, жаңы толкундардын болушу мүмкүн экенин эскертишүүдө.
Жакынкы Рисаральда департаментинин борбору Перейрада да имараттарга зыяны тийип, айрым чатырлар кулап, жарандар жабыркаганы айтылууда.
Жер титирөө толкундары өлкөнүн кеңири аймагында, анын ичинде борбору Богота шаарынын четинде да сезилди. Борбор шаар мэри Карлос Галан олуттуу зыян катталбаганын маалымдады.
Ошондой эле Күн чыгыштагы Эквадор менен Венесуэла жарандары да жер титирөөнү байкаган.
Цунами коркунучу боюнча маалымат берилген жок. Колумбиянын Улуттук кырсык кызматы жергиликтүү бийлик органдары менен тыгыз байланышта болуп, кырсыктын таасирин изилдөөдөн чыга элек.
