Бишкек шаарында «Аврора» бизнес борборунун имараты түнкүсүн мөөрлөнгөнү белгилүү болду. Бул тууралуу 24.kg басылмасына объекттин өкүлдөрү маалымат беришкен.
Имараттын кире беришинде илинген билдирүүдө, мүлктү колдонууга чектөө коюу чечимин Бишкек шаары боюнча Мамлекеттик архитектуралык-курулуш көзөмөлү башкармалыгы кабыл алганы көрсөтүлгөн.
Башкармалык маалымат басылып чыккан учурда аталган чечим боюнча комментарий бере элек.
«Аврора» бизнес борбору Игембердиев көчөсүндө жайгашкан. Имарат 2019-жылдын жазынан бери коммерциялык объект катары иштеп, ар кыл тармактагы кеңселерди жана ишканаларды жайгаштырып келет.
