Караколдо он жылдар бою жаңыланбаган эки ири көчөнү реконструкциялоодо

‹›

Каракол шаарында быйылкы жылы жол инфраструктурасын модернизациялоого багытталган эки ири долбоор ишке ашырылат. Бул тууралуу шаардык мэриядан маалымдашты.

Долбоорлордун бири Манас көчөсүндө жүргүзүлөт. Бул көчө акыркы он жылдыкта биринчи жолу капиталдык реконструкциядан өтүп жатат. Мэриянын маалыматына ылайык, Совет Союзу учурунан бери бул участкеде асфальт төшөө иштери жүргүзүлгөн эмес. Долбоор Каракол шаарынын мэри Талантбек Имановдун демилгеси менен ишке ашырылууда.

1,1 чакырым узундуктагы Манас көчөсү заманбап стандарттарга ылайык толук жаңыланат. Бул жерде эки тилкелүү жол курулат, эки тарапта тротуарлар жасалат, арык системасы орнотулат жана заманбап көчө жарыгы коюлат.

Ошондой эле Бектенов көчөсүндө да масштабдуу реконструкция пландалууда. 2,3 чакырым узундуктагы бул участокто жаңы эки тилкелүү жол куруу, тротуарларды, ирригациялык арыктарды жана сырттагы жарык системасын орнотуу каралган.

Мэр Талантбек Имановдун айтымында, шаар тургундары көп жылдан бери көңүл буруп келген инфраструктуралык маселелерди чечүү муниципалитеттин негизги приоритеттеринин бири болуп саналат.

Эки долбоордун иштери жылдын аягына чейин аякталат деп пландалууда. Долбоорлордун ишке ашуусу транспорт жана жөө адамдар үчүн шарттарды жакшыртып, жол кыймылынын коопсуздугун арттырат жана жакынкы аймактардын тургундары үчүн ыңгайлуулукту жогорулатат.