Адылбек Касымалиев жана Александр Турчин «Автомаш-Радиатор» заводуна барышты

‹›

Бишкекте Кыргыз Республикасынын президентинин администрациясынын жетекчиси Адылбек Касымалиев жана Беларусь Республикасынын премьер-министри Александр Турчин расмий сапар менен келип, «Автомаш-Радиатор» заводун зыярат кылышты. Бул тууралуу Кыргызстандын өкмөтү маалымдады.

Заводдун иши, өндүрүш цехтери, технологиялык линиялары жана чыгарылган продукциясы менен таанышышты. Заводдун жетекчилиги учурдагы ишмердүүлүгү, өндүрүш кубаттуулугу, колдонулуп жаткан технологиялар жана келечектеги өнүгүү пландары тууралуу маалымат берди. «Автомаш-Радиатор» заводунун белорус өнөктөштөрү менен он жылдан ашык убакыттан бери тыгыз кызматташып келе жатканы белгиленди.

Зыярат учурунда өнөр жай кооперациясын кеңейтүү, өндүрүш потенциалын жогорулатуу жана эки өлкө ортосундагы өз ара пайдалуу кызматташтыкты бекемдөө маселелерине өзгөчө көңүл бөлүндү. Бул сапар эки мамлекеттин ортосундагы экономикалык байланыштарды чыңдоого жана жаңы мүмкүнчүлүктөрдү ачууга багытталган.