Максат Чакиев: "Феминизм - кыргыздын түпкүүлүгүн жана өзөгүн талкалоо аракети, деп эсептейм"
Кезинде керзи өтүгү менен адам укугун тебелегендер аялдын укугун коргойм дегенде ... 
Канатбек Азиз: "Матраимовду коррупцияга айыптап маалымат тараткан басылмалар сотто далили жок экенин билдиришти"
Журналист Болот Темиров Камчыбек Ташиевди сөөк аңдыган итке салыштырды, Ташиев эмне деп жооп кайтарды?
Исмаил Исаков: "Иликтөөнүн  Саймайтинин өлүмүнөн кийин чыгышы дагы күмөн жаратат, бул баягы “Белизгейтти” ойлоп тапкандай болуп жатат"
Ууру болсо дагы, кесиптеш элек деп корогой берген болобу?
Кыяс Молдокасымов: "Жектеп келген "сабатсыздык" доордо да кыргыз мынчалык пастыкка түшкөн эмес!"
Таластагы  Улуттук көчмөндөр оюндарынын салтанаттуу аземи
Марат Тагаев, журналист: “Каныбек Исаков ОшМУнун окуу корпустарын жаӊылап, эӊ алдыӊкы заманбап окуу жайлардын катарына кошконун билебиз”ж
Президент Сооронбай Жээнбеков: Терең билим адамга кайрат-күч берет жана анын турмушун жеңилдетет
Сулайман Кайыпов: "Кызматка Аликбек Жекшенкуловдой профессионалдар иштесе, ушундай ийгилик жаралат" 
Чолпон Байзакова: “Жээнбеков Атамбаевдин кылмышын жаап-жашырып, элди экөөлөп эзип отура берүүгө толук шарты бар болчу, бирок!...”
Издөө
» » Вице-премьер-министр Алтынай Өмүрбекова жайкы каникул учурунда балдардын коопсуздугун камсыздоо жана балдардын суицидинин алдын алуу маселелери боюнча кеңешме өткөрдү

Вице-премьер-министр Алтынай Өмүрбекова жайкы каникул учурунда балдардын коопсуздугун камсыздоо жана балдардын суицидинин алдын алуу маселелери боюнча кеңешме өткөрдү

11 июн 2019, 10:35    bishkek
Кыргыз Республикасынын вице-премьер-министри Алтынай Өмүрбекова жайкы каникул учурунда балдардын коопсуздугун камсыздоо жана балдардын суицидинин алдын алуу маселелери боюнча кеңешме өткөрдү.

«Жайында балдар каникулга чыгып, сууга түшүп, күнгө күйүп гана жыргап эс албастан, алар үчүн тобокелдиктер да жогору. Балдар жайкысын лагерлерге эс алууга, көлмөлөргө, сууларга түшкөнү барышат. Мунун баарынын бир топ коркунучтары бар», –  деп белгиледи ал.

Вице-премьер-министр баса белгилегендей, коомчулукту балдардын коопсуздугу маселелерине тартуу, колдо болгон бардык аянттарды, анын ичинде социалдык тармактарды жана жалпыга маалымдоо каражаттарын колдонуу, алар аркылуу ата-энелер жана балдар үчүн коопсуздук чараларын эскертүүчү социалдык билим берүү роликтерин көрсөтүү зарыл.

 «Бул чараларды ыкчам тартипте ишке ашыруу керек, себеби ата-энелер күнүмдүк иштер менен алек, балдар көбүнесе өздөрү менен өздөрү. Мамлекеттик органдардын жана жергиликтүү өз алдынча башкаруу органдарынын милдети – эс алуу учурунда балдардын коопсуздугун максималдуу камсыздоо. Балдар менен жайкы лагерлер гана эмес, жер-жерлерде спорттук иш-чаралар, билим берүү ийримдери, китепканалар, жайлоо-бала бакчалары иштөөгө тийиш», – деди Алтынай Өмүрбекова.
Вице-премьер-министр өспүрүмдөр арасында суицид маселесине өзгөчө көңүл бурду, балдарды өз өмүрүнө кол салууга түрткөн негизги себептер атан-энелери жана туугандары менен урушуу, улуулар тарабынан көңүл буруу жана түшүнүүнүн жоктугу, бактысыз сүйүү болуп саналат.

Анын айтымында, буга байланыштуу «Тез байланыш – 111» ишин активдештирүү керек, балдар квалификациялык жана психологиялык жардам алыш үчүн кайда телефон чалууга болорун билиши кажет.

Балыкчы шаарындагы үйлөтүлгөн батут оодарылып кетип, натыйжада балдар жабыркаган сыяктуу кырсыктарга жол бербеш үчүн Экологиялык жана техникалык инспекциянын адистери бардык эс алуу жана оюн-зоок жайларын текшерүүгө тийиш.
Ички иштер министринин орун басары Алмазбек Орозалиев жергиликтүү өз алдынча башкаруу органдарын тартууну жана калк арасында ата-энелер менен балдарга коопсуздук чаралары жөнүндө түшүндүрүү иштерин жүргүзүүнү сунуштады.
«Милиция кызматкерлери, Өзгөчө кырдаалдар министрлиги, медиктер тиешелүү түшүндүрүү иштерин жүргүзүүсү үчүн жарандар менен үзгүлтүксүз жолугушууларды уюштуруп туруу зарыл. Балдар үчүн мүмкүн болгон тобокелдиктерди эске алып, ата-энелердин көңүлүн бурдуруу керек», – деди ал.

Белгилей кетсек, кеңешменин жүрүшүндө балдарды активдүү эс алуунун бардык түрү менен болушунча камтуу шарттарын түзүү боюнча ар кыл пикирлер айтылды.
Мындан тышкары балдар эс алган жерлерде (суу объекттери, балдар аянтчалары) рейддик иш-чараларды өткөрүү, балдардын коопсуздугу боюнча калк арасында маалымдоо тууралуу медиа-план түзүү, белгилүү адамдарды тартуу, ыктыярчылар кыймылын түзүү, чогулуштардын катышуучуларына брошюраларды жана маалымат баракчаларын таратуу тууралуу айтылды.
Ата-энелерди жана балдарды эс алуу учурундагы коопсуздук чаралары тууралуу маалымдоонун натыйжалуу каражаттары катары смс-билдирүү, коммуналдык төлөмдөр үчүн эсеп-дүмүрчөктөрдүн жана чектердин арткы бетинде тийиштүү маалыматты чыгаруу аталды.
Кыргыз Республикасынын Өзгөчө кырдаалдар министрлигинин өкүлдөрү билдиргендей, алар өрт коопсуздугу жана сууда өзүн алып жүрүү эрежелери тууралуу роликтерди даярдашкан жана бул материалдар республикалык жана аймактык телеканалдарга берилет.

Кеңешменин жыйынтыгы боюнча вице-премьер-министр Алтынай Өмүрбекова жай мезгилинде балдардын коопсуздугу боюнча «Коопсуздук үчүн бирге» Ыкчам иш-чаралар планын иштеп чыгууну тапшырып, биздин жалпы максатыбыз балдардын каникулун болушунча жагымдуу, коопсуз жана кызыктуу уюштуруу экендигин белгиледи.скачать dle 12.0
Кликните на изображение чтобы обновить код, если он неразборчив