Categories

«Кумтөр Голд Компани» АКШдагы банкроттук жол-жобосунун демилгелениши боюнча тынчсыздануусун билдирет

2021-жылдын 9-июнунда массалык маалымат каражаттарында жарыяланган билдирүүгө жооп кылып, «Кумтөр Голд Компани» ЖАК (КГК) өзүнүн түзүлгөн күндөн тартып өз ишин Кыргыз Республикасынын мыйзамдарына ылайык жүргүзүп келгендигин жана жүргүзүп келе жаткандыгын баса белгилейт. Бул шарт Центерра Голд Инк. жана Кыргыз Республикасынын Өкмөтүнүн ортосунда жазуу түрүндө келишимдер менен бекитилген.   

КГКнын атынан Центерра Голд Инк. компаниясы макулдашылбаган банкроттук жол-жобосунун демилгеси боюнча жана ошондой эле, дүйнөдө бардык сот процесстеринин токтотулушун, банкроттук жөнүндө арыз бергенге чейин пайда болгон карыздарды өндүрүү боюнча кредиторлордун аракеттерин жана КГКнын кызыкчылыгына каршы айрым башка аракеттерди билдирген АКШнын мыйзамдарына ылайык башталган автоматтык түрдө токтото туруу жол-жобосуна КГК өтө тынчсызданууда. 

2021-жылы 31-майда КГКнын жалгыз акционер катары Центерра Голд Инк., КГКнын уставында жана Кыргыз Республикасынын мыйзамдарында белгиленген тартипти бузуп, материалдарды АКШ банктроттук сотунун кароосуна өткөрүп жана  айрым жеке жана юридикалык жактарга КГКнын атынан иш алып барууга укук берип мыйзамсыз чечим чыгарды.  Бул чечимдин юридикалык күчү жок жана КГК аталган чечимди Центерра Голд Инктин жоопкерчиликтен качуу жана өз кызыкчылыктарын гана эске алып КГКнын ишмердүүлүгүнө доо кетирүү максатында жасады деп эсептейт.  

Кыргыз Республикасы эгемендүү мамлекет жана АКШнын банктроттук соту тарабынан көрүлө турган чаралар колдонулбайт.   АКШнын банкроттук соту процедуранын автоматтык түрдө токтотулушуна байланыштуу Кыргыз Республикасын буйруктун чөйрөсүнөн четтетүүдөн баш тартканы белгилүү болду, ошол эле учурда Кыргыз Республикасынын кийинки сот угуу этабында автоматтык түрдө токтото туруудан андан ары чыгарып салууну талап кылуу укугу сакталып калды.

КГКнын ишкердиги Кыргыз Республикасынын мыйзамдарына гана баш ийет.   КГК төлөөгө жөндөмдүү компания жана жакынкы келечекте Кумтөр кенинин туруктуу иштешин камсыз кылуу үчүн товарларды жана тейлөөлөрдү көрсөткөн жеткирүүчүлөру менен өз убагында эсептешүү боюнча жоопкерчиликтен баш тартпайт.  КГК өзунүн социалдык милдентемелерин, жана ошондой эле, Кыргыз Республикасынын бюджетинин, өзүнүн кызматкерлеринин жана жалданма уюмдардын алдында бардык милдеттенмелеринин аткаруусун улантат. 

 
Categories

Кумтөрдүн канадалык жетекчилери маалымат базасын өчүрүп салгандыктан кызматкерлер айлык ала албай жатышат

«Кумтөр Голд Компани» кызматкерлеринин бирдиктүү өкүлчүлүктүү органынын төрагасы Рамис Мамбеталиев «Центерра Голд Инк» компаниясынын Президентине жана Аткаруучу директору Скотт Перриге ачык кайрылуу жолдоптур.
Анда Рамис Мамбеталиев учурда Кумтөр Голд Компани ЖАКтын эмгек жамаатынын кызыкчылыктарын козгогон маселе боюнча жазган. Centerroy Gold Inc. 2021-жылдын май айынын ортосунан баштап кызматкерлердин эмгек акы төлөөсү кечеңдеп, эс алууга, эмгек өргүүсүнө чыгуусуна баардык документтердин маалымат базасынан өчүрүлуп кетиши тоскоолдук жаратканын айткан.
Компанияда эмгектенген кызматкерлердин мурдагы жана азыркы иштеп жаткан документтери жана маалыматтары толугу менен өчүрүлүп салгандыктан бул Кыргыз Республикасынын мыйзамдарын, ал жерде иштеген кызматкерлердин укугун бузгандык болуп саналаары айтылган.
Кумтөрдө иштеген бир да кызматкердин укуктары жана кызыкчылыктары бузулбашы керек эле. 2021-2022-жылга карата кызматкерлердин келишимдери, ал жердеги жумушчулардын эмгек милдеттери улантылышы керек жана Кумтөр үзгүлтүксуз иштей бериши керек эле. Бирок, тилекке каршы ал жактагы баардык программаларды, архивдик документтерди канадалык компаниянын жетекчилери өчүрүп кетишкен.
Кумтөрдөгү ар кандай чыр ал жерде иштеген кызматкерлерге жолтоо болбой, иш уланып, жумушчулар өз убагында эмгек маяналарын алышы керек болчу. Алардын иштөө артыкчылыгына жараша сыйлык алышы керек. Ушуга байланыштуу ал жердеги маалымат базаларын кайтарып берүүсүн суранып, кайрылуу жасаган экен.
«Эки тараптын ортосунда келип чыккан бардык келишпестиктер конструктивдүү жана мыйзамдуу жол менен чечилет деп үмүттөнөбүз жана күтөбүз. Биз, КГКнын кызматкерлери, биздин Компания, жумушубуз, келечегибиз жана үй-бүлөбүздүн келечеги үчүн тынчсызданабыз. КГКнын кызматкерлеринин кызыкчылыгы үчүн, КГКнын кызматкерлеринин эмгек акысын эсептөө боюнча маалымат базаларына кирүү мүмкүнчүлүгүн кайтарып берет деп ишенебиз деп жазган».
Эскерте кетсек, Кумтөрдө Өкмөттүн атайын комиссиясы иликтей баштаганда эле ал жактагы кызматкерлердин эмгек акылары жана алар тууралуу баардык маалымат базасы, отчеттордун баардыгы атайын өчүрүп салганы айтылган.
Канадалык компаниянын жетекчилери Кыргызстанды таштап, мекенине кайтып кетишти. Бирок, Кумтөрдө иш токтобой уланып жатат. Ушундан улам канадалыктар кол алдында 25 жылдан ашуун убакыт бою иштеген кызматкерлер тууралуу маалымат базасын өчүргөнү, жаратылышыбызга эбегейсиз зор зыян келтиргени, мамлекетке тиешелүү пайданы бербей, орто жолдон бир нече саясатчыларды сатып алганынан ал Кыргызстанга душмандай мамиле кылганын билсе болот.
Бул ишке деле чекит койчу мезгил жетет. Кыргызстан тарап утабы, же канадалык компания утабы аны убакыт көрсөтөт. Бирок, жакшылыгынан жамандыгы көп мындай инвесторлордун барынан жогу жакшы эмеспи.

 
Categories

«Кумтөр Голд Компани» ишканасында жашыруун ишеним телефону ачылат

«Кумтөр Голд Компани» ишканасында жашыруун ишеним телефону ачылат

Мындай маалыматты «Центерра» компаниясынын директорлор кеңешинин мурдагы мүчөсү, «Кумтөр Голд Компани» ишканасына убактылуу сырттан башкаруучу Тенгиз Бөлтүрүк маалымдады.

“Мага компаниянын же болбосо айрым кызматкерлердин ар кайсы аракеттерине көптөгөн нааразычылыктар түшүп жатат.
Ошондуктан «Кумтөр Голд Компани» ишканасында жашыруун ишеним телефону ачылат, ага компаниянын кызматкерлери, өнөктөштөрү, жеткирүүчүлөрү жана башка жактар мүмкүн болгон бардык бузуулар тууралуу билдирүү үчүн кайрыла алышат. Бул кызмат үчүнчү жак тарабынан башкарылышы мүмкүн.

Ишеним телефон байланышы 24 саат, 7 күн бою жеткиликтүү болот. Бул линия ачылганда, бул жөнүндө толук маалыматты өзүнчө жарыялайбыз.

Ишеним телефону коррупция маселелери боюнча билдирүүлөрдү кабыл алуу үчүн жана жалпысынан адилеттүүлүк принциптерине ылайык келбеген жана бузууга байланыштуу болгон ар кандай жагдай жөнүндө колдонулушу мүмкүн. Мындай билдирүүлөр менен иштегенде купуялуулук сакталат. Көйгөйлөр тууралуу маалымдаган адамдардын укуктарын коргоосуна кепилдик беребиз. Келген чалуулар да жашыруун болушу мүмкүн. Бирок, муну менен бирге, жалган же адаштыруучу маалыматты атайылап берүүгө жол берилбейт»-дейт ал.

 
Categories

Почему таджики хоронят тела погибших на кыргызско-таджикской границе в ночное время?

Хоть и прошло уже несколько недель после конфликта на кыргызско-таджикской границе, в Таджикистане в морге Исфаринского района до сих пор находятся тела. Где большинство умерших является военнослужащие ВС Республики Таджикистан. Интересный факт, то что тела погибших передают родственникам в день 1 или 2 в ночное время суток, при этом под контролем руководства Республики Таджикистан проводят похороны в ночное время.

В ходе этого конфликта с кыргызской стороны погибли 36 человек, включая мирных жителей.
И об этом писали СМИ Кыргызской Республики.
Так в чем же секрет таджикской стороны?

 
Categories

Кумтөр эми кыргыз элинин пайдасына иштеши керек!

Кыргызстан эгемендик алгандан бери канадалык инвестор менен келишим түзүлүп, Кумтөр алтын кенин чет элдиктер өзү каалагандай иштетип келет.
Ар дайым анын накта пайдасын чет элдиктер жана бийликтеги бир ууч топ көрүп келген.
Ошол эле маалда алтынды казып жатканда экологиялык нормалар болушунча бузулуп, мөңгүлөр талкаланып, анын кесепетин канчалаган жылдарга чейин кыргыз эли жана келечек муун урпактарыбыз тартат.
Жок дегенде калган-каткан алтынды өзүбүз иштетип, элибизге аз да болсо пайдасы тийсин.
Бүгүн Кумтөрдөгү ишмердүүлүктү иликтеп жаткан мамлекеттик комиссиянын жыйыны өтүп, анда текшерүүнүн жыйынтыктары боюнча маалымат берилди. Комиссиянын төрагасы, Жогорку Кеңештин депутаты Акылбек Жапаров ишкана Кыргызстандын мыйзамдарынын негизинде иштөөсү керек экенин белгилеп, жалпысынан «Кумтөр Голд» 4 миллиард 952,8 миллион доллар төлөөгө милдеттүү экенин айтты. Мунун 3 миллиард 501 миллион доллары негизги сумма, калганы туум жана санкция:
«Жалпысынан бул сумманы далилдесе болот деп эсептейбиз. Кыргызстандын мыйзамдары боюнча бул акча милдеттүү түрдө төлөнүшү керек болчу. Салык төлөмдөрүн, айыппулдарды ар кандай түшүнүксүз фонддорго айырбаштоо тажрыйбасы токтотулушу керек. Мындан ары «Кумтөр Голд» биздин салык мыйзамдарыбыз менен иштөөсү, биздин биринчи кезекте экология жана адамдардын коопсуздугу боюнча мыйзамдарыбызды бузбоосу зарыл», дейт Жапаров. Мындан тышкары Жапаров ишкана боюнча маселени чечүүнүн үч жолу сунушталып жатканын айтты.


“Эл аралык сотко биз даярданып жатабыз. Биринчи Кыргызстандын соттору, юристтер менен бүт далилдердин баарын алып, эгер алар эл аралык сотко барса, балким, биз алардан биринчи сотко беришибиз керек. Биз барганда утулабыз дебей, биринчи өзүбүздун соттордун баарын бүтүрүп, далилдерибиз менен барганда утабыз деп, эгер утпай калсак утулуп калышыбыз мүмкүндүгүн эске алып, экөөнүн ортосунда сүйлөшүү процесси же тынчтык келишими бар деген үч жолду көрсөтүп жатабыз парламентке. Мурунку президенттер жана өкмөт башчылары “Эл аралык сотко барсак эле утулабыз, ошондуктан барбай эле коелу” деген бүтүмдөрдү эмненин негизинде чыгарганын таба албай койдук”, дейт. Ошону менен комиссия “Кумтөр Голд” ишканасына убактылуу башкаруу киргизип, май айынан тартып алтынды Кыргызстанда калтырууну сунуш кылып жатат.
26 жылдан бери Centerra сөзсүз түрдөгү, салык катары болгону $1 млрд 750 млн 818 миң төлөгөн. Калган көрсөтүлүп жаткан сандар бул жөн гана манипуляция экени, компаниянын сайтында өзгөчө төлөмдөр боюнча толук эмес маалымат жайгашканы айтылды.
Анысы аз келгенсип, улам кийинки келген өкмөт башчылар экологиялык зыян боюнча коюлган сумманы толук төлөтпөстөн, ар кандай фонд ж.б. түзүү шылтоосу менен башында белгиленген суммадан кыйла аз акча каражатын төлөтүүгө жол ачып беришкен. Мисалы, Сапар Исаков менен Темир Сариевдин ушундай иш-аракеттеринин натыйжасында мамлекет $438 млндон кол жууган. Жалпысынан 2013-2020-жылдар аралыгында Өкмөттүн чечимдеринин айынан мамлекет

438 млн. АКШ доллардан айрылган. Ал эми бул долбоордун Кыргызстанда 2009-жылдан 2021-жылга чейинки аралыкта Кыргызстандын Центеррадагы үлүшү 33,3 %дан 26,1%га чейин кыскарган. Жоготкон акциялардын үлүшү 7,2% же жоготкон пайда 100,7 млн доллар түзгөн. Кыскасы, комиссия толгон-токой бузууларды, Кыргызстандын кызыкчылыктарынын корголбошун, өкмөттөрдүн, комиссиялардын мамлекеттин кызыкчылыктарын тебелеп-тепсешин, тиешелүү көзөмөл, кызыкчылыктарды талашуу болбогонун, көп каржылык маалыматтардын жашырылып берилбей келгенин аныктап чыгыптыр.
Бул башталган ишти аталган комиссия жана мамлекет сөзсүз аягына чыгышы керек.
Ал үчүн коомчулук — журналисттер, коомдук ишмерлер, укук коргоочулар, саясатчылар кыска ой жүгүртүү менен жеке пайда көрүштү ойлонбой — бардыгы жапа тырмак бул жасалып жаткан иштерди колдоп бериши керек.
Өз кендерибизге, жерибиздин байлыктарына өзүбүз ээлик кыла турган убакыт келди.
Ал эми буга чейин Кумтөрдөн түшпөй калган каражаттарга күнөөлүү чиновниктерге кылмыш иштери козголуп, алардан ордун толуктоону талап кылыш керек!