Эмилбек Каптагаев: Пристрастность Токтакунова налицо – он опубликовал фейк
Контрабандалык күйүүчү май ташып жүргөн Акылбек Маматов "Газпромдун" миллиарддык долбоорун аңдып жатабы?
Кто станет новым главой МИДа? - Гульмира Тыналиева
Атамбаев кайсы эмгеги үчүн 160 миң сом пенсия алат?
Уголовное дело против Сарпашева будет возобновлено
Эмил Каптагаев: "Камалгандардын баары таза деген Атамбаевдин сөзүнө ким ишенет?"
АКШга сапар: президент С. Жээнбеков БУУнун сессиясында олуттуу маселелерди козгоду
Бердибек Жамгырчиев, акын: "Рыскелди Момбеков уйкаштырып сүйлөсө эле укмуш сүйлөп жатам деп ойлойт окшойт бул дөөпарас..."
Чындап эле миллионерби же кадимки шылуунбу? 
Мас болуп учакты кармаган чиновник аял Зууракан Каденова экени белгилүү болду
УКМКнын мурдагы төрагасы Абдил Сегизбаев, орун басары Болот Суюнбаевге таандык деген үйлөрдүн сүрөтү тарады
Жалкое зрелище – Атамбаев без окружения
Издөө
» » Адилет Айтикеев: “Таластыктар четте калды дегенин окуп зээним кейиди, качан жердешчилдиктен көтөрүлөбүз туугандар?”

Адилет Айтикеев: “Таластыктар четте калды дегенин окуп зээним кейиди, качан жердешчилдиктен көтөрүлөбүз туугандар?”

23 апр 2018, 00:45    bishkek
1 комментарий   
Белгилүү журналист Адилет Айтикеев жаӊы түзүлгөн Өкмөт курамына нааразы болуп, ар кайсыны айтып жаткан таластык жердештерине кайрылуу кылды:

Бөлүнбөйлү!

Бир нече күндөн бери "Таластыктар четте калды", "Таластыктар революция жасаганда эле керекпи?", "Кенекеев жакшы иштеп жатты эле кокуй" деген сыяктуу сөздөрдү атуу-баштуу, сакалдуу эле ага эжелер айтып, жазып жатканын окуп, көрүп кайра зээним кейип баштады.
Туугандар! Жердешчилик оорусунан качан көтөрүлөбүз? Кенекеев эмне кыйратты айткылачы? 2011-жылы өкмөттүн 60 пайызын таластыктар ээлеп отурганда деле башкалар унчукпай отурду эле го? Ошондо ал азаматтар силердин казаныңарга аш салып бердиби? Бул кызмат деген ушундай нерсе экен. Бүгүн бар эртең жок.

Мына, кечээги президенттик шайлоодо башка региондон чыккан азаматтар кабагым-кашым дебестен, жердешчиликке карабай, жерибей эле Таластан чыккан Бабановду колдоп, бийликтин басым-кысымына карабай бардык облустар өтө жогорку деңгээлде колдоо көрсөтүштү. Мына ошонун негизинде оппозициядан чыккан талапкер тарыхтагы рекорддук добушту алды.
Учурунда Турдакун Усубалиев аксакал бийликте турган кезде (мен аксакалды өтө сыйлайм, бирок факты деген өжөр нерсе экен) Талас облусунан 24 жыл ичинде бир дагы министр чыккан эмес. Себебин өзүңөр жакшы билесиңер. Бирок ошондо таластыктардын тиричилиги өтпөй калды беле?

Кеп кайсы бир региондон чыккан аткаминерде эмес, алардын жасаган ишинин натыйжасында. Бүгүн өлкөбүздүн бардык тармагына чечкиндүү реформалар керек. Убакыт өтүп жатат. Ал бизди күтпөйт экен. Ошондуктан өз балабыздын бийликке барганына же четте калганына эмес, өлкөбүздүн артта калганына, кедей жашаганыбызга арданалы!,-дейт журналист А.Айтикеев.

Эскертке кетсек, Жогорку Кеӊештин КСДП фракциясынын депутаты Рыскелди Момбеков өкмөт курамында бир дагы таластык жок экен деп айгай салган болчу. Интернетте Момбековду коштоп айрым журналисттер дагы жердешчилдик жик жараткан посторду калтырыпбаштаган.
скачать dle 12.0 Maalymat.kg



Бакир от 23 апреля 2018 01:13
Туура айттын Адилет,достуктун, туугандыктын, жердештиктин оз орду бар. Мамлекеттин тагдырын чече турган адамдарды кайсы жерден болгондугуна карабай чечуучу кызмат орундарына коюу керек.Карапайым эл баарын байкап отурат,кайсы депутаттын кайсы мамлекеттик кызматкерлердин денгээлдери (билимдик, адистик, деги эле адамдык) канчалык экенин. Эгерде Президент, Жогорку кенеш, Окмот биринчи тазаланып алып туруп, андан кийин бийик-бийик максаттарды коюп аракеттенбесе,айтылган создор, жазылгапр программалар жон эле гап (кеп). Бирок убакыт кутпойт. Азыркы бийликтегилер менен алыска барыш кыйыныраак...
Кликните на изображение чтобы обновить код, если он неразборчив
***91;group=4,5***93;