Бишкектеги эски аянтта чет элдик фильмдердин акысыз көрсөтүүлөрү өтөт

‹›

Бишкекте IV эл аралык кинофестивалдын алкагында 8-11-июнь күндөрү шаардыктар жана коноктор үчүн ачык асман алдында акысыз кино көрсөтүүлөр өтөт. Бул тууралуу Кыргызстандын Маданият, маалымат жана жаштар саясаты министрлиги маалымдады.

Фестивалдын программасында дүйнөнүн ар кайсы өлкөлөрүнөн келген мыкты фильмдер чоң экранда көрсөтүлөт. Кинофестиваль шаардыктарга кино искусствосунун чыныгы майрамын тартуулайт. Бир нече кечелерде аянт заманбап ачык кинотеатрга айланып, жайкы эс алуу жана маданий дем алуу үчүн өзгөчө атмосфера түзөт.

Министрликтин маалыматына ылайык, ачык асман алдында көрсөтүүлөр кино искусствосун кеңири аудитория үчүн жеткиликтүү кылууга багытталган. Уюштуруучулар кино сүйүүчүлөрдү, балдары менен үй-бүлөлөрдү, жаштарды жана бардык каалагандарды бул маданий иш-чарага катышууга чакырышат.

Көрсөтүүлөр Т. Усубалиев атындагы аянтта (Эски аянт) өтөт. Көрсөтүү күндөрү: 8-11-июнь. Кириүү акысыз.