Бишкекте «Манас» университетинин биринчи ректоруна мемориалдык такта орнотулду

‹›

Бишкекте белгилүү мамлекеттик жана коомдук ишмер, профессор, Кыргыз-Түрк «Манас» университетинин биринчи ректору Карыбек Молдобаевге арналган мемориалдык такта ачылды. Бул такта анын жашаган үйүнүн алдында, Токтогул көчөсүндө, 98-номерде орнотулган.

Карыбек Молдобаев Кыргызстан жана анын борбор шаарынын өнүгүшүнө чоң салым кошкон. Ал 1973-1985-жылдары Фрунзе шаардык партия комитетинин биринчи катчысы болуп иштеген. Бул мезгилде шаар өнөр жай, социалдык жана маданий борбор катары активдүү өнүгүп жаткан. Фрунзе шаардык партия комитетинин мектебинен өткөн көптөгөн жетекчилер кийинчерээк жогорку мамлекеттик жана саясий кызматтарга дайындалган.

Карыбек Молдобаев КПССтин Кыргызстандын Идеология боюнча борбордук комитетинин секретары жана СССР Министрлер Советинин Дин иштери боюнча кеңешинде иштегенден кийин, 1995-жылдын 28-июлунда Кыргыз-Түрк «Манас» университетинин ректору болуп дайындалган. Ал бул кызматта 12 жыл бою иштеп, университеттин негизделиши жана өнүгүшүнө зор салым кошту. Ал биринчи ректор катары билим берүү кадрларын даярдоодо жана тарбиялоодо чоң роль ойноду. Бул жылдар ичинде университет өлкөнүн алдыңкы жогорку окуу жайларынын бири болуп, түрк цивилизациясын изилдөө боюнча маанилүү борборго айланды.

Карыбек Молдобаев Октябрь революциясынын, Эмгектин Кызыл Тууунун, «Почет белгиси» ордендери жана башка СССРдин мамлекеттик сыйлыктары менен сыйланган. Ал «Кыргыз Республикасынын элдик билим берүүнүн отличниги», «Бишкек шаарынын ардактуу жараны» жана «Нарын облусунун ардактуу жараны» наамдарына ээ болгон. Мындан тышкары, ал түрк дүйнөсүнө болгон өзгөчө кызматтары үчүн сыйлыкка да ээ болду.

Кыргыз адабиятынын классиги Чынгыз Айтматов Карыбек Молдобаев жөнүндө: «Карыбек Молдобаев – муундар тарабынан таанылган коомдук фигура, улуттун символикалык инсандыгы катары советтик жана постсоветтик тарыхыбызда терең баалануусу керек» деп белгилеген.