Кыргыз бал европа базарына чыгууда

‹›

Бишкек шаарында үч жергиликтүү ишкана, табигый балды өндүрүү жана кайра иштетүү менен алектенет. Бул ишканалар Европалык Союздун TRACES (Сауда контролдоо жана эксперттик система) системасына киргизилди. Бул тууралуу Кыргызстандын ветеринария, мал чарбачылыгы, жайыттар жана азыктарды өнүктүрүү кызматы маалымдады.

Ведомствонун маалыматына ылайык, бул чечим Кыргызстандын ветеринардык контролдоо системасын Европалык Союздун талаптарына ылайыкташтыруу боюнча жүргүзүлгөн үзгүлтүксүз иштердин натыйжасы болуп саналат. Кыргызстан үчүн Европалык Союзга бал экспорттоо укугунун расмий түрдө таанылышы жаңы мүмкүнчүлүктөрдү ачып, республикабыздын экспорттук потенциалын кеңейтүүгө жол ачты.

Ишканалардын TRACES системасына киргизилиши, жаны мал азыгынын рыногуна продукцияларды жеткирүүнүн уюштурулушунда маанилүү этап болуп саналат. Бул система продукциянын көзөмөлүн жүргүзүп, ветеринардык документтерди даярдоону камсыз кылат, ошондой эле Европалык Союздун санитардык жана ветеринардык талаптарына ылайыктыгын текшерет.

Ведомство белгилегендей, европалык рыноктун кыргыз бал үчүн ачылышы жергиликтүү өндүрүүчүлөр үчүн кошумча мүмкүнчүлүктөрдү жаратууда. Бул, ошондой эле, арачылык тармагын өнүктүрүүгө, экспорттук потенциалды жогорулатууга жана өлкөнүн экологиялык таза продукциясын эл аралык деңгээлде илгерилетүүгө жардам берет.

Ветеринария, мал чарбачылыгы, жайыттар жана азыктарды өнүктүрүү кызматы экспортко багытталган ишканаларды колдоо жана продукциянын сапаты менен коопсуздугун эл аралык стандарттарга ылайык камсыз кылуу боюнча иштерин улантат.