Садыр Жапаров: Кыргызстан БУУнун Коопсуздук Кеңешиндеги жеңишти жогорку ишенимдин белгиси катары кабыл алат

‹›

Кыргызстандын президенти Садыр Жапаров Facebook баракчасында билдирүү жасап, өлкөнүн Бириккен Улуттар Уюмундагы жеңишин эл аралык коомчулуктун жогорку ишеними катары кабыл алганын белгиледи.

3-июнда 2026-жылы Кыргыз Республикасы, сиздердин колдооңуздар менен, Бириккен Улуттар Уюмунун Коопсуздук Кеңешинин убактылуу мүчөсү болуп шайланды. Бул жеңишти Кыргызстан эл аралык коомчулуктун ишеними жана жоопкерчилиги катары карайт.

Кыргызстан Коопсуздук Кеңешиндеги мүчөлүгү учурунда эл аралык тынчтыкты жана коопсуздукту бекемдөөгө, конфликттерди алдын алууга, алдын ала дипломатияны өнүктүрүүгө, тынчтыкты орнотууга, кичи жана өнүгүп келе жаткан мамлекеттердин ролун күчөтүүгө, ошондой эле климаттык, суу, тоо жана экологиялык чакырыктарды глобалдык коопсуздук контекстинде эске алууга багытталган приоритеттерди илгерилетүүгө ниеттенүүдө.

Биздин талапкерлигибизди колдогон бардык мамлекеттерге чын жүрөктөн ыраазычылык билдиребиз жана Коопсуздук Кеңешинде жоопкерчиликтүү, конструктивдүү жана ачык өнөктөш болууга даяр экендигибизди билдиребиз. Бул биздин тынчтык, туруктуулук жана көп тараптуулукту бекемдөө үчүн жасаган аракеттерибиздин негизинде болот.

Кыргыз Республикасы Филиппиндер Республикасына шайлоо өнөктүгүндөгү активдүү катышуусу жана конструктивдүү атаандаштык үчүн өзгөчө ыраазычылык билдирет.

Урматтуу мамлекеттердин башчылары! Сиздерге менин эң жогорку урматым жана элдериңиздерге тынчтык, бакубаттык жана гүлдөп-өсүү каалайм, – деп жазган президент.