Мирбек Мамбеталиев жол кырсыгына кабылган тандоого катышкан кызды зыярат кылды

‹›

Бишкек шаарында бүгүн Кыргызстандын маданият, маалымат жана жаштар саясаты министри Мирбек Мамбеталиев Баткен облусунан келген Бегимай Наралиеваны зыярат кылды. Бегимай Наралиева Баткен райондук маданият үйүнүн хормейстери болуп саналат. Ал VI Дүйнөлүк кочмондор оюндарынын маданий программасынын улуттук тандоо турунда катышуу үчүн Бишкекке келген.

Бегимай Наралиева телевизиондук визитка тартууга жана түз эфирде чыгууга даярданып жатканда, күтүүсүздөн жол кырсыгына кабылып, бутунан жаракат алды. Министр анын ден соолугун сурап, тез арада сакайып кетишин жана чыгармачылык ишмердүүлүгүндө ийгиликтерди каалады.

Маданият министрлиги региондордогу маданият кызматкерлерин колдоо өлкөнүн маданий тармагын өнүктүрүү үчүн маанилүү экенин белгиледи. Маданиятка болгон көңүл буруу, өлкөнүн руханий жана социалдык өнүгүүсүнө чоң салым кошот. Маданият кызматкерлеринин эмгегин баалоо жана колдоо, өлкөнүн маданий мурастарын сактоого жана өнүктүрүүгө жардам берет.