Амирчик, Клава Кока, «Дискотека Авария»: Караколдогу майрамдык концерт кандай өттү

‹›

Каракол шаарында Чынгыз Айтматов атындагы борбордук аянтта Балдарды коргоо күнүнө арналган чоң шоу-концерт өткөрүлдү. Бул иш-чарада белгилүү кыргызстандык ырчылар Амирчик, Жийдеш, орус ырчысы Клава Кока, «Дискотека Авария» тобу жана башка жергиликтүү артисттер өз өнөрлөрүн тартуулашты. Жийдештин кызы менен биргеликте аткарган чыгармасы балдарга өзгөчө майрамдык маанай тартуулады.

Ошондой эле, кечки бөлүмдө цирк артисттери өз таланттарын көрсөтүштү. Аудиториянын көңүлүн өзүнө тарткан иллюзионист Адил Каиповдун номерлери болду. Иш-чарада барабан шоу уюштурулуп, Status бий тобу майрамдык атмосфераны жаратты.

Караколдуктар бул иш-чарадан көптөгөн позитивдүү эмоциялар алышты. Майрамдын жыйынтыгы катары салют тартууланды. Балдарды коргоо күнүнө арналган күндүзгү жана кечки иш-чараларды Каракол шаарынын мэриясы «Евразия» уюмунун колдоосу менен уюштурду. Бул иш-чаралардын максаты шаардагы балдарга жана тургундарга майрамдык маанай тартуулоо болду.