Кыргыз киносун дүйнөдөгү эң ири кино базарында Парижде көрсөтүштү

‹›

Кыргызстандын киноиндустриясы эл аралык аренада өз ордун бекемдеп жатат. Кыргыз делегациясы Францияда өткөн 79-канн эл аралык кинофестивалында Marché du Film кино базарында катышты. Бул тууралуу Кыргыз Республикасынын Маданият, маалымат жана жаштар саясаты министрлиги маалымдады.

Иш-чаранын алкагында Kyrgyzcinema улуттук стенди коюлуп, кыргыз киноиндустриясынын заманбап долбоорлору, жергиликтүү фильмдер жана эл аралык кинофорумдар тууралуу маалымат берилди. 2026-жылы кыргыз стенди дүйнөдөгү эң ири кино базарында бешинчи жолу көрсөтүлдү.

Кино базарында эл аралык кызматташтык, копродукцияны өнүктүрүү жана Борбордук Азиянын киносуна дүйнөлүк рынокто орун берүү боюнча талкуулар болду. Ошондой эле, UmutDoc фестивалы Борбордук Азиядан Cannes Docs платформасында көрсөтүлгөн жалгыз документалдык кино фестивалы болуп калды.

Эл аралык аудиторияга “Кара, кызыл, сары”, “Буйрук”, “Шерменделик карнавалы” жана “Мерген” фильмдери сунушталды. Министрлик Кыргызстандын Marché du Film 2026дагы катышуусу эл аралык коомчулуктун кыргыз жана Борбордук Азия киносуна болгон кызыгуусунун өсүп жатканын көрсөтөт деп белгиледи.

Кыргызстандык кино өнөрү дүйнөгө таанылып, жаңы мүмкүнчүлүктөрдү ачып жатат. Бул иш-чаралар өлкөнүн маданий мурастарын жайылтууга жана жаңы таланттарды таанытууга жардам берет.