Кыргызстанда каналдарды бекемдөө үчүн бетон төшөмүн колдонуу пландалууда

‹›

Бишкекте суу ресурстары, айыл чарба жана кайра иштетүү өнөр жайы боюнча министр Эрлист Акунбеков россиялык “Машстрой” компаниясынын өкүлдөрү менен жолугушту. Жолугушууда суу чарба инфраструктурасын бекемдөө үчүн колдонулган заманбап технологиялар талкууланды.

Компаниянын өкүлдөрү каналдарды, жээктерди жана гидротехникалык курулмаларды бекемдөө үчүн бетон полотносу технологиясы тууралуу маалымат беришти. Бул технология суу жоготууларын азайтууга жана инфраструктуралык объектилердин туруктуулугун жогорулатууга багытталган.

Жолугушуунун жыйынтыгында тараптар заманбап технологияларды киргизүү жана тажрыйба алмашуу боюнча кызматташууга кызыктар экенин билдиришти. Суу ресурстарын эффективдүү пайдалануу жана инфраструктураны жакшыртуу үчүн мындай кызматташтык маанилүү.