Бишкекте ысык суу менен камсыздоо 99% турак жайларда ишке кирди

‹›

Бишкекте ысык суу менен камсыздоо 99% турак жайларда ишке киргизилди. Бул тууралуу «Бишкектеплосеть» муниципалдык ишканасы маалымдады. Алардын маалыматына ылайык, ишкана шаардагы турак жайларды ысык суу менен камсыздоо боюнча этап-этабы менен иштерди улантууда. Ошондой эле, калган абоненттерди кошуу жана айрым үйлөрдө ысык суунун жоктугуна себеп болгон маселелерди чечүү боюнча иштер жүргүзүлүүдө.

Учурда ысык суу менен камсыздоо төмөнкү даректерде убактылуу мүмкүн эмес: Шопокова көчөсү, 99/1; Жибек-Жолу проспекти, 517. Бул маселелердин себеби жылуулук пунктуна кирүүгө мүмкүнчүлүктүн жоктугу болуп саналат.

Ысык суу берилгенден кийин гидравликалык режимди жана айланууну жөнгө салуу иштери жүргүзүлөт. Ошондуктан, айрым үйлөрдө ысык суу менен камсыздоо убактылуу кечигип калышы мүмкүн.

Ысык суу менен камсыздоонун сапатын жакшыртуу максатында «Бишкектеплосеть» тургундарды суу жылытуучу аппараттарды өчүрүүгө жана борборлоштурулган жылуулук системасынан ысык сууну пайдаланууга өтүүгө чакырат.