Ишенимдүү тарифтер ички учуулар үчүн: Бишкек–Ош жана Бишкек–Манас учуулары жеткиликтүү болот

‹›

Кыргызстандын ички авиакаттамдары үчүн эң актуалдуу жана жеткиликтүү тарифтерди мамлекеттик авиакомпания Asman Airlines сунуштайт. 2026-жылдын 1-майынан тарта Бишкек – Ош жана Бишкек – Манас (Джалал-Абад аэропорту) маршруттарында авиабилеттер үчүн бирдиктүү баа системасы киргизилет. Бул чечим Кыргызстандын аэропортторунун башкармалыгынын төрагасы Манасбек Самидиновдун жергиликтүү авиакомпаниялар менен болгон жумушчу жолугушуусунун жыйынтыгы боюнча кабыл алынды.

Жолугушууда тараптар баа түзүү боюнча бирдиктүү көз карашка келишти. Бишкек – Ош маршруту боюнча авиабилеттердин баасы эрте брондоо учурунда 3 800 сомдон башталат, ал эми учуу алдында акыркы күндөрдө билеттин максималдуу баасы 5 900 сомдон ашпайт. Бишкек – Манас маршруту боюнча старттык баа 3 500 сом, максималдуу баа болсо 4 100 сом болот. Авиакомпаниялар белгиленген чектен ашкан баалардын болбой турганын тастыкташты.

Мамлекеттик авиакомпания Asman Airlines дагы да жеткиликтүү баа саясатын карманат: Бишкек – Ош багыты боюнча билеттин максималдуу баасы 5 500 сом, Бишкек – Манас маршруту боюнча болсо 4 100 сом болот.

“Ички авиакаттамдардын жеткиликтүүлүгү биздин үчүн маанилүү маселе. Ушул бекитилген тарифтерди киргизүү ички авиакаттамдар рыногун стабилдештирүүгө, баалардын кескин өзгөрүүлөрүн жоюуга жана жүргүнчүлөр үчүн ачык, түшүнүктүү шарттарды камсыз кылууга мүмкүндүк берет”, — деди Манасбек Самидинов.

Ички авиакаттамдардын жеткиликтүүлүгү жана баа саясаты өлкөнүн транспорттук инфраструктурасын өнүктүрүүгө чоң салым кошот. Жаңы тарифтер жүргүнчүлөрдүн авиакаттамдарды колдонуу мүмкүнчүлүгүн кеңейтет жана өлкөнүн ички байланыштарын жакшыртат.