Ошто нур терапиясынын жоктугу онкологиялык бейтаптарды Бишкекке барууга мажбурлайт – депутат

‹›

Ош шаарындагы онкологиялык ооруканасында нур терапиясынын жоктугу себептүү, үч облустун бейтаптары Бишкекке барып дарыланууга мажбур болушууда. Бул тууралуу Жогорку Кеңештин жыйынында депутат Мавлюда Калбердиева билдирди. Ал Бишкектеги онкологиялык ооруканасында дарылануу үчүн 10-15 күн күтүү керектигин белгиледи.

Депутат бейтаптар менен болгон жолугушуусунда, айрым бейтаптардын жатаканасы жок экенин, алар автобекетте же аэропортто түнөп жатканын айтты. Ош шаарындагы онкологиялык оорукананы заманбап жабдуулар менен камсыз кылууну өтүндү. “Практикада 300 бейтапка 1 нур терапиясы керек, ал эми бизде 7 миллион адамга бир гана жабдуу бар”, – деди ал.

Ошондой эле, депутат Ош шаарындагы онкологиялык ооруканасына инвестициялар тартылганын белгиледи. Бул маселени чечүү үчүн кошумча аракеттер көрүлүшү зарыл. Бейтаптардын ден соолугу үчүн заманбап медициналык жабдууларды камсыз кылуу маанилүү.