Фор Гнассингбе: Бул келишимдер – чектөө эмес, биз үчүн бул болгону башталышы гана

‹›

Бишкекте Того мамлекетинин өкмөт башчысы Фор Эссозимна Гнассингбе Кыргызстан менен Того өлкөлөрүнүн ортосундагы кызматташтыкты бекемдөөгө багытталган маанилүү келишимдерге кол койду. Ал өлкөлөрдүн географиялык алыстыгына карабастан, алардын артыкчылыктары окшош экенин белгиледи.

Гнассингбе, бүгүнкү күндө кол коюлган келишимдер келечектеги кызматташтыкты өнүктүрүүнүн негизин түзөрүн айтты. Ал, бул келишимдердин алкагында инвестицияларды коргоо, айыл чарба, санариптештирүү жана кызматтык паспорт ээлери үчүн визаларды жоюу сыяктуу маанилүү тармактар камтылганын билдирди.

Жолугушуунун соңунда, тараптар сунушталган идеяларды ишке ашырууга жана эки өлкөнүн тиешелүү мамлекеттик органдарын тартууга макулдашышты. Бул келишимдердин ишке ашуусу үчүн системалуу жана пландуу иш алып баруу зарылдыгын баса белгилешти.

Кыргызстан менен Того өлкөлөрүнүн ортосундагы кызматташтыкты өнүктүрүү, эки тараптуу байланыштарды чыңдоо жана экономикалык мүмкүнчүлүктөрдү кеңейтүү максатында жасалып жаткан бул кадамдар, өлкөлөрдүн ортосундагы достук мамилелерди дагы да бекемдейт.