Бишкекте шаар күнү фонтан сезону ачылат

‹›

Бишкекте 29-апрелде шаар күнү белгиленет, ал күнү фонтан сезону расмий түрдө ачылат. Мэриянын маалыматына ылайык, учурда “Тазалык” муниципалдык ишканасы фонтан комплекстерин ишке киргизүү үчүн даярдык иштерин жүргүзүүдө. Бул иштердин алкагында техникалык жабдуулар текшерилип, фонтан чөйчөктөрү тазаланып, системалар суу менен толтурулууда.

Бишкекте жакынкы күндөрдө төмөнкү фонтан комплекстеринин иши кайрадан жандана турганы белгиленди:
– Ала-Тоо аянтындагы фонтан;
– Бишкек мэриясынын алдындагы фонтан;
– Жогорку Кеңештин имаратынын алдындагы фонтан;
– Ататүрк паркындагы фонтан;
– “Революция күрөшчүлөрү” фонтан;
– Токтогул көчөсүндөгү фонтан.

Фонтан сезону шаардыктар үчүн жайкы эс алуу жана көңүл ачуу үчүн жакшы мүмкүнчүлүк болуп саналат. Бишкектеги фонтан комплекстеринин иши шаарды көрктөндүрүп, жарандардын эс алуусуна шарт түзөт. Жай мезгилинде бул фонтанлар шаардыктар жана туристтер үчүн жагымдуу жай болуп, шаардык жашоонун ажырагыс бөлүгү болуп калат.