Кыргызстан ИИ-суперкластерди ишке киргизип, өзүнүн тилдик моделин түзүүдө

‹›

Кыргызстан жаңы долбоорду ишке киргизүүдө, ал “Kyrgyzstan AI Supercluster” деп аталат. Бул долбоор инновацияларды өнүктүрүү үчүн жогорку өндүрүмдүүлүккө ээ болгон чөйрөнү түзүүгө багытталган. Бул тууралуу маалыматты Кыргызстандын санариптик өнүгүү жана инновациялык технологиялар министри Азамат Жамангулов Шанхай кызматташтык уюмуна мүчө мамлекеттердин министрликтеринин жетекчилеринин бешинчи жыйынында билдирди.

Министрдин айтымында, долбоордун негизги максаты – кыргыз тилин түшүнгөн, биздин маданиятыбызды жана салттарыбызды билген көп тилдүү моделди (Kyrgyz Multilingual Foundation Model) иштеп чыгуу. “AI in Every Sector” программасы медицина, билим берүү жана айыл чарба тармактарын камтыйт. Бирок, инновацияларды киргизүүдө жоопкерчиликти унутпашыбыз керек. Ошондуктан, биз технологиялардын жакшы, коопсуз жана ачык болушу үчүн этика жана сертификаттоо борборун түзүп жатабыз.

Кыргызстан дүйнөлүк технологиялык лидерлер менен өнөктөштүктү активдүү өнүктүрүп, өлкөнү глобалдык AI экосистемасына интеграциялоону көздөп жатат. Бул аракеттердин бардыгы мамлекеттик кызматтарды “акылдуу” кылууга багытталган. Биз AI жардамчыларын киргизүүгө даярданып жатабыз, алар ар бир жаран үчүн жеке жардамчылар болуп кызмат кылат”, – деди Жамангулов.

Министр ошондой эле санариптик профилдер, платформалык архитектура жана API технологиялары мамлекеттин көрүнбөй, бирок ар дайым зарыл болгон жерде болушун камсыз кыларын белгиледи. “Биз маалыматтуу өкмөттү куруудабыз, ал маалыматтарды сурап албай, маселелерди чечет”, – деп кошумчалады ал.