Криптоөнөр жайы Кыргызстанга көп краттуу өсүштү алып келиши мүмкүн

Кыргызстанда криптоиндустриянын өнүгүшү келечекте бир катар экономикалык пайда алып келиши мүмкүн. Экономист Кубан Чороевдин айтымында, бул тармактын алгачкы натыйжаларынын бири салык түшүүлөрүнүн өсүшү болот. Ал 2025-жылы криптосектор бюджетке болжол менен 1,7 миллиард сом киргизгенин, жана тармактын өнүгүшү менен бул көрсөткүч бир нече эсе көбөйүшү мүмкүн экенин белгиледи.

Ошондой эле, акча которууларын арзандатуу да маанилүү натыйжа катары каралууда. Традициялык банктар жана төлөм системалары 3-7% деңгэлде комиссия алышса, стейблкоиндер аркылуу которуулар пайыздын бир бөлүгүн гана түзөт, бул миллиондогон үй-бүлөлөр үчүн чоң экономияны камсыз кылат.

Лицензияланган виртуалдык активдерди сунуштаган компаниялардын көбөйүшү да күтүлүүдө. Ар бир жаңы компания IT, юриспруденция жана комплаенс тармактарында жумуш орундарын түзүп, кошумча салык түшүүлөрүн камсыз кылат. Кыргызстандын стейблкоиндери USDKG жана KGST эл аралык криптобиржаларга чыгышы өлкөнүн санарип активдер рыногундагы таанымалдуулугун арттырат.

Мындан тышкары, Кубан Чороев белгилегендей, өлкөдө реалдуу активдерди токенизациялоо боюнча пилоттук долбоорлор үчүн укуктук база түзүлгөн. Бул алтын, кыймылсыз мүлк жана айыл чарба продукциясын камтыйт. Жалпысынан, эксперттин баамында, келечектеги үч жылдын ичинде Бишкекте толук кандуу финтех-кластер пайда болуп, өлкөнүн экономикалык өнүгүүсүнүн жаңы кыймылдаткычы болуп калат.