Бакыт Торобаев Кыргызстандын инвестициялык портфелин түзүү боюнча жыйын өткөрдү

‹›

Бишкекте инвестиция портфелин түзүү боюнча атайын өкүл Бакыт Торобаев жыйын өткөрдү. Бул жыйынга президенттин Джалал-Абад облусундагы ыйгарым укуктуу өкүлчүлүгүнүн жетекчилиги, ошондой эле Чаткал, Ала-Бука жана Токтогул райондорунун мамлекеттик администрацияларынын башчылары катышты.

Жыйынынын негизги максаты – жергиликтүү инвестициялык долбоорлорду түзүү, инвестициялык кызыктырууну жогорулатуу жана региондун экономикасын өнүктүрүү үчүн бирдиктүү системаны иштеп чыгуу. Бакыт Торобаев президенттин тапшырмасы боюнча өлкөнүн ар бир району боюнча инвестициялык потенциалды, долбоорлордун экономикалык натыйжалуулугун, экспорттук мүмкүнчүлүктөрдү жана жергиликтүү калкты жумуш менен камсыз кылуу маселелерин карап жатканын белгиледи.

«Биздин негизги максатыбыз – өлкөнүн райондорунда долбоорлорду ишке ашыруу үчүн кандай мүмкүнчүлүктөр бар экенин карап чыгуу. Ошонун негизинде бир ири долбоорду ишке ашыруу керек. Мындан тышкары, райондордо иштеп жаткан жеке ишкерлерди же мамлекеттик кызматкерлерди долбоордун техникалык-экономикалык негиздемесин түзүүгө үйрөтүү маанилүү. Кыргызстан боюнча 200 долбоорду түзүү пландалууда. Бул долбоорлор энергетика, туризм, өндүрүш, медицина жана билим берүү тармактарында ишке ашырылат. Бул багытта долбоорлорду топтоп, үч этапта ишке ашыруу пландалууда», – деди ал.

Президенттин тапшырмасы боюнча Ош жана Чүй облустарында да ушул сыяктуу жыйындар өткөрүлгөн. Эртең Джалал-Абад облусунун Сузак, Базар-Коргон, Аксый жана Ноокен райондорунда жыйындар улантылат. Бул иш-аракеттер Кыргыз Республикасынын 2030-жылга чейинки Улуттук өнүктүрүү программасынын приоритеттерине жана өлкөнүн социалдык-экономикалык өнүгүүсүн тездетүү боюнча милдеттерине ылайык регионалдык инвестициялык портфелди системалуу түрдө түзүүгө багытталган.