Кочкор районунда 500 орундуу жаңы мектеп курулду

‹›

Кочкор районунда И. Арабаев атындагы жаңы мектептин имараты курулду. Бул мектеп 500 окуучуга ылайыкташкан. Мектептин жалпы аянты 4136 чарчы метрди түзөт. Үч кабаттуу имарат окуучулар үчүн ыңгайлуу шарттарды камсыз кылуу максатында бардык зарыл жабдуулар менен жабдылган. Мектепте лабораториялар, китепкана, IT кабинеттери, устаканалар жана спорт залы бар.

Учурда имаратка мебель орнотуу иштери аяктоого жакын. Ошондой эле футбол жана волейбол үчүн жайкы спорт аянтчалары да курулат. Бул мектептин курулушу 2023-жылы башталган жана республикалык бюджеттен каржыланган. Учурдагы мектепте 1800 окуучу билим алып жаткандыктан, жаңы имараттын ачылышы окуучулар үчүн орун жетишсиздигин азайтууга жана билим алуу үчүн ыңгайлуу шарттарды түзүүгө жардам берет.

Мындай жаңы мектептердин курулушу өлкөнүн билим берүү системасын жакшыртууга, жаш муундарга сапаттуу билим берүүгө чоң салым кошот. Окуучулардын билим алуусун жогорулатуу үчүн заманбап шарттарды түзүү маанилүү.