Кыргызстан менен Өзбекстан мөңгүлөрдү жана тоо экосистемаларын сактоо боюнча биргелешкен демилгелерди талкуулады

‹›

Бишкекте президенттин атайын өкүлү Динара Кемелова жана Өзбекстандын Кыргызстандагы элчиси Саидикрам Ниязходжаев тоо экосистемаларын жана мөңгүлөрдү сактоо, биологиялык ар түрдүүлүк, ошондой эле климаттын өзгөрүшүнүн Борбордук Азияга тийгизген таасирлери боюнча маселелерди талкуулашты. Кыргыз тарап «Бишкек+25» аттуу экинчи глобалдык тоо саммитин өткөрүү пландары менен бөлүшүп, тоо аймактарын туруктуу өнүктүрүү үчүн глобалдык борбор түзүү, тоо изилдөөлөрү боюнча илимий хаб түзүү жана тоо продукцияларын бренддөө боюнча демилгелерди сунуштады.

Туризм тармагында жергиликтүү коомчулуктарды колдоо, кол өнөрчүлүктү, агро- жана экотуризмди өнүктүрүү боюнча кызматташтыкты кеңейтүүгө өзгөчө көңүл бурулду. Ошондой эле климаттык туруктуулукту жогорулатуу, анын ичинде тоо жана жазык аймактарында табигый кырсыктарды алдын алуу жана эрте кабар берүү системаларын киргизүү боюнча пикир алмашуу болду.

Жыйынтыгында тараптар эки тараптуу жана көп тараптуу кызматташтыкты өнүктүрүүгө, ошондой эле регионду туруктуу өнүктүрүү боюнча өз ара демилгелерди колдоого кызыкдар экендиктерин билдиришти.