Эл аралык текшерүүчү «Кумтор Голд Компани» компаниясынын финансылык ишмердүүлүгүнүн ачык экенин тастыктады

‹›

Бишкек шаарында, Кумтор Голд Компани акционердик коомунун 2025-жыл үчүн финансылык отчету эл аралык аудитордук компания Ernst & Young тарабынан текшерилди. Компаниянын маалыматы боюнча, отчет бардык маанилүү аспектилер боюнча 2025-жылдын 31-декабрына карата финансылык абалды так чагылдырат. Ошондой эле, отчетто финансылык жана чарбалык ишмердүүлүктүн жыйынтыктары эл аралык финансылык отчеттуулук стандарттарына ылайык берилген. Бул, өз кезегинде, компаниянын финансылык ишмердүүлүгүнүн ачык экенин көрсөтөт.

2025-жылы Кумтор Голд Компани 1 миллиард 434 миллион доллар киреше тапкан, ал эми таза пайдасы 706 миллион долларды түзгөн. Мындан тышкары, компания өлкөнүн экономикасына да чоң салым кошту. Төлөнгөн салык жана милдеттүү төлөмдөрдүн жалпы көлөмү 246 миллион 507 миң долларга жетти, дивиденддер болсо 300 миллион долларды түздү. Ошондой эле, 2025-жылы Кумтор руднигинде 12 081 килограмм алтын өндүрүлгөн.

Эске салсак, Ernst & Young (EY) дүйнөдөгү эң ири аудитордук жана консалтингдик компаниялардын бири болуп саналат. Ал “Чоң төрттүк” компанияларынын катарына кирип, 150дөн ашык өлкөдө 400 миңден ашык кызматкерди бириктирет.