Бишкекти бекитилген дизайн кодуна ылайыкташтыруу

‹›

Бишкекте Шанхай кызматташтык уюмунун саммитине даярдык көрүү максатында имараттардын фасаддарын жаңылоо жана реставрациялоо иштерине киришилди. Бул тууралуу курулуш министрлиги маалымдады. Ведомствонун маалыматына ылайык, шаар үчүн бекитилген дизайн-кодго ылайык, жеке архитекторлор менен биргеликте имараттардын фасаддарына паспорттор иштелип чыгууда.

Адистер муниципалдык органдын өкүлдөрү менен биргеликте имараттарга чыгып, ээлери жана ишкерлер менен түшүндүрүү иштерин жүргүзүшүүдө. Ошондой эле, ишкерлерге жана имарат ээлерине фасаддарды түзүү боюнча туруктуу консультациялык жардам көрсөтүлүп, бул шаардык чөйрөнүн архитектуралык бирдиктүү образынын калыптанышына көмөктөшүүдө.

Жүргүзүлүп жаткан иштер Бишкектин курулушунун эстетикалык сапатын жогорулатууга, архитектуралык стандарттарды сактоого жана шаарды заманбап, гармониялуу жана жагымдуу көрүнүшкө келтирүүгө багытталган.