Универсиада КР боюнча баскетбол боюнча мелдештер аяктады – жыйынтыктар

‹›

Бишкекте кыздар арасында баскетбол боюнча жогорку лига мелдештери аяктады. Бул мелдеш Кыргызстандын Универсиадасы алкагында өткөрүлдү. Мелдеш 2-апрелден 8-апрелге чейин Б. Турусбеков атындагы Кыргыз мамлекеттик дене тарбия жана спорт академиясында өттү. Иш-чарага өлкөнүн 12 жогорку окуу жайынан 100дөн ашык студент кыздар катышты.

Мелдештин жыйынтыгы боюнча, байгелүү орундар төмөнкүдөй бөлүштүрүлдү: биринчи орунду Б. Турусбеков атындагы Кыргыз мамлекеттик дене тарбия жана спорт академиясы, экинчи орунду Б. Ельцин атындагы Кыргыз-Россия славян университети, үчүнчү орунду болсо И. Ахунбаев атындагы Кыргыз мамлекеттик медициналык академиясы ээледи.

Баскетбол мелдештери студенттер үчүн спорттук чеберчиликтерин көрсөтүүгө, командалык ишти өнүктүрүүгө жана достук мамилелерди бекемдөөгө жакшы мүмкүнчүлүк түздү. Мындай иш-чаралар жаштардын дене тарбиясына жана спортко болгон кызыгуусун арттырат.