Кыргызстанда кытай автоордун жеткирүү жана кызмат көрсөтүү тармагын кеңейтүү пландалууда

‹›

Бишкекте авто бизнеси боюнча инвестициялык кызматташтыкты талкуулоо үчүн A-CAR компаниясынын өкүлдөрү менен жолугушуу болду. Улуттук инвестициялар агенттигинин жетекчиси Равшанбек Сабиров жаңы кытай автоунааларын Кыргызстанга жеткирүү жана сатуу, ошондой эле кызмат көрсөтүү инфраструктурасын өнүктүрүү маселелерин көтөрдү.

A-CAR компаниясы кытайдын жана эл аралык бренддердин автоунааларын жеткирүү менен алектенет. Алар техникалык тейлөө, финансылык колдоо, автоунааларды каттоо жана камсыздандыруу сыяктуу толук кызматтарды сунушташат.

Равшанбек Сабиров авто секторго инвестиция тартуунун маанилүүлүгүн белгилеп, мындай долбоорлордун ишке ашышы рынокту өнүктүрүүгө, кызматтардын сапатын жогорулатууга жана жаңы жумуш орундарын түзүүгө жардам берерин айтты. Жолугушуунун жыйынтыгында тараптар кызматташтыкты өнүктүрүү боюнча өз ара түшүнүшүү меморандумуна кол коюшту.

Авто бизнеси Кыргызстанда маанилүү тармак болуп саналат, андыктан инвестицияларды тартуу өлкөнүн экономикасын бекемдөөгө чоң салым кошот.