Кыргызстанда туризмди кантип өнүктүрүү тууралуу Эрденет Касымов айтып берди

‹›

Бишкекте туризмди өнүктүрүү боюнча туруктуу өнүгүү программасынын алкагында мамлекеттик башкарууну оптималдаштыруу боюнча талаптар коюлду. Бул талаптардын негизинде Кыргыз Республикасынын Министрлер Кабинетинин алдындагы Туризм департаментинин базасында Туризмди өнүктүрүү боюнча мамлекеттик агенттик түзүлдү. Бул тууралуу Биринчи радиосунда Туризм департаментинин директору Эрденет Касымов билдирди.

Касымовдун айтымында, республикада туристтер үчүн “Тундүк трэвел” аттуу санариптик платформа жана мобилдик колдонмо иштелип чыгууда. Мындан тышкары, өлкөнүн эл аралык таанымалдуулугун арттыруу үчүн маркетинг стратегиясы иштелип жатат. Ал ошондой эле туруктуу туризмди өнүктүрүүгө багытталган улуттук программа түзүлгөнүн, анын алкагында туристтик операторлордун ишинин сапатын жогорулатуу жана фестивалдарды өткөрүү боюнча критерийлер белгиленгенин айтты. Гостевой үйлөргө жана юрточо шаарчаларга талаптар коюлган.

2026-жылы эл аралык тажрыйбаны жана ички, улуттук кызыкчылыктарды эске алуу менен мыйзамдарды реформалоо пландалууда. Бул чаралар туристтик субъекттердин сапатын жогорулатууга багытталган. Касымов ошондой эле мамлекет кичи жана орто бизнеске колдоо көрсөтүп, жеңилдетилген насыяларды берүүдө. Жыл башынан бери 5 миллион сомго чейин 6% менен насыялар берилүүдө. Туризмди өнүктүрүү боюнча колдоо фонду жана жеке ишкерлерди колдоо үчүн бир катар механизмдер бар.

Караколдо кыш мезгилинде аэропорт иштей баштады, Бишкек, Ош жана Алматыдан рейстер ачылды. Аэропорттун ачылышынан кийин туристтердин агымы кыйла көбөйдү, жана быйыл Караколго рекорддук сандагы туристтер келип, кышкы туризмге болгон кызыгуунун өсүп жатканын көрсөттү.

“Быйыл “Ала-Тоо Резорт” улуттук долбоорун ачуу пландалууда, ал жакынкы 10 жылдын ичинде ири туристтик кластерге айланат. Туристтик база-комплекс 1 миллионго жакын туристти кабыл алууга мүмкүнчүлүк берет. Ошондой эле Чүй облусунда Baytik Mountain Resort аттуу ири долбоорду куруу пландалууда. Чаткал аймагында кышкы туризмди өнүктүрүү үчүн бардык шарттар бар, анын ичинде тоо лыжасы базасын түзүү мүмкүнчүлүктөрү. Учурда эл аралык өнөктөштөр менен биргеликте Chatkal Resort аттуу ири тоо лыжасы базасын куруу боюнча иштер башталат”, – деди Касымов.

Эксперт Айша Мамбеталиева туристтик рыноктун ачык, жеткиликтүү жана демократиялык колдоосу аркылуу өлкөдөгү туристтик продуктулар жакшы экенин белгиледи. “Башка өлкөлөрдөн айырмаланып, биз салттуу, активдүү, экологиялык жана туруктуу туризмди өнүктүрүп жатабыз. Бул менин оюмча, жакшы көрсөткүч”, – деп кошумчалады ал.