Бишкекте мугалимдерди улуттук түрк оюндарына үйрөтүшөт

‹›

Бишкекте 2-мартта Тюрк дүйнөсүнүн балдар оюндар фестивалынын алкагында мугалимдер үчүн окутуу курстары башталды. Бул иш-чаранын максаты – традициялык балдар оюндарын жайылтуу, тюрк мамлекеттеринин балдарынын маданий байланыстарын бекемдөө жана балдар оюндарын бирдиктүү архивге топтоо.

Окутууга Кыргызстандан 30 мугалим жана тарбиячы катышууда. Ошондой эле, Кыргыз Республикасынын Билим берүү министрлигинин бала бакча билим берүү башкармалыгынын жетекчиси Нурзида Касымова жана Түркиядан келген тренерлер да катышууда. Иш-чара «Маариф» билим берүү комплексинде өтүп, үч күнгө созулат.

Программа боюнча Түркиядан 4 балдар оюну жана Кыргызстандан 4 улуттук оюн сунушталат. Ошондой эле, тюрк мамлекеттеринде бул оюндарды жайылтуу боюнча методикалык иштер жүргүзүлөт. Бул иш-чара балдардын маданий мурасын сактоого жана өнүктүрүүгө чоң салым кошот.