Кыргызстандыктар РТАнын мыкты чет элдик студенттери деп табылды

‹›

Кыргызстандык студенттер Россиянын бажы академиясында эң мыкты чет элдик студенттер катары таанылды. Кыргызстандын Мамлекеттик бажы кызматынын маалыматына ылайык, академияда окуп жаткан студенттер үчүн уюштурулган биринчи форумдун алкагында мыкты студенттерди сыйлоо аземи өттү.

Бул аземдин маанилүү окуяларынын бири катары кыргызстандык студенттердин жетишкендиктери белгиленди. Алар “Эң мыкты чет элдик студент” номинациясында алты сыйлык орундан бешин ээлешти. Жеңүүчүлөрдүн тандоосу студенттердин окуу жетишкендиктери, илимий ишмердүүлүгү жана академиянын коомдук жашоосуна активдүү катышуусу негизинде жүргүзүлдү.

Жеңүүчүлөрдүн катарында: юридикалык факультеттин 4-курс студенти Кудайбергенов Дастан Максатбекович (Люберцы), 3-курс студенти Султанов Исхак Уланович (Люберцы), экономикалык факультеттин 3-курс студенти Максатбеков Атай Айбекович (Люберцы), юридикалык факультеттин 3-курс студенти Рахмаджанов Азамат Куатович (Санкт-Петербург) жана бажы иши факультетинин 3-курс студенти Рыскулов Бектур Асранкулович (Ростов-на-Дону) бар.

Форумдун программасынын алкагында катышуучулар бажы ишмердүүлүгүнүн негизги багыттары менен таанышып, кызматтын заманбап иш жүргүзүү ыкмалары тууралуу маалымат алышты жана практикалык билимдерди ээледи.