Иссык-Куль облусунда браконьерлер аныкталды, курал алынган

‹›

Иссык-Куль облусунун ички иштер органдары “Арсенал” аттуу комплекс операциясын өткөрүүдө. Бул иш-чаранын максаты – ок атуучу куралдар менен байланышкан мыйзам бузууларды алдын алуу жана браконьерликке каршы күрөшүү.

2026-жылдын январь айында 28 уруксат берүүчү объект жана 1547 аңчы текшерүүгө алынган. Текшерүүлөрдүн жыйынтыгында 54 административдик протокол түзүлүп, жалпы суммасы 147 миң сомго айып пул салынган. Мыйзамды бузгандыгы үчүн 25 курал алынган, ошондой эле кылмыш иштерине байланыштуу 16 курал да алынган. Мындан тышкары, жарандар тарабынан 31 курал өз ыктыяры менен тапшырылган.

Иш-чаралардын жүрүшүндө облуста 8 кылмыш ачылып, 2 экологиялык мыйзам бузуулар аныкталган. Жарандардын коопсуздугун камсыздоо максатында, тиешелүү кызматтар жана коомдук уюмдар менен биргеликте коркунучтуу жапайы жаныбарларды жок кылуу боюнча иштер жүргүзүлгөн. Натижада 18 шакал жана 23 көчө иттери жок кылынган.

Айыл жергесинде жергиликтүү тургундар менен жолугушуулар уюштурулуп, жарандардын коопсуздугун камсыздоо, мыйзамдуулукту сактоо жана экологияны коргоо боюнча түшүндүрүү иштери жүргүзүлүүдө.