Бишкекте акысыз санариптик билим берүү жана криптовалюта боюнча семинар өтөт

‹›

Бишкекте 21-февралда криптовалюталар боюнча акысыз окуу семинары өтөт. Бул иш-чара виртуалдык активдер жана блокчейн технологияларынын өнүгүүсүнө арналган. Семинарды өткөрүүдө максат – калктын санариптик жана финансылык билим деңгээлин жогорулатуу, блокчейн технологиялары боюнча практикалык көндүмдөрдү өнүктүрүү жана виртуалдык активдерди жоопкерчилик менен пайдаланууга үйрөтүү.

Семинарды эл аралык криптовалюта платформасы Binance уюштурат. Иш-чаранын программасында криптовалюталардын негизги принциптери, Binance платформасынын продуктылары жана кызматтары менен таанышуу, колдонуучуларды идентификациялоо процедурасы (KYC) боюнча түшүндүрмөлөр, акча салуу жана операцияларды жүргүзүү боюнча практикалык аспектилер, санарип активдер менен жоопкерчиликтүү иштөө принциптери жана суроо-жооп сессиясы камтылган.

Иш-чарага катышуучулар үчүн сыйлыктар да каралган. Катышуу акысыз жана каалагандар үчүн ачык. Бирок орундар чектелүү. Семинар билим берүү максатын көздөйт жана инвестициялык сунуш катары эсептелбейт. Иш-чара Бишкектеги Makerspace AUCA жайгашкан жерде, саат 12:00дөн 16:00гө чейин өтөт. Катышуу үчүн алдын ала каттоодон өтүп, кирүүдө жеке инсандыгын тастыктоо талап кылынат. Каттоо үчүн шилтеме: https://www.binance.events/event/3d34f2f0-0d91-4253-9a3d-b0510252485e/summary.