Бишкекте 2025-жылы 2078 жарык ноктосу орнотулду 48,8 миллион сомго

‹›

Бишкек шаарында социалдык-экономикалык өнүгүү боюнча жыйын өткөрүлдү. Жыйынга шаар мэри Адылбек Касымалиев жетекчилик кылып, 2025-жылдагы иш-аракеттер жана 2026-жылга пландар тууралуу маалымат берди.

Шаардык администрациянын биринчи орун басары Мирланбек Байгончоков административдик-территориялык реформа жана санариптештирүү боюнча жүргүзүлгөн иштер тууралуу айтып берди. Реформа алкагында райондордун жана муниципалдык башкарууларын жаңы чектери бекитилди. Ленин жана Первомай райондорунда башкарууну жакшыртуу үчүн эки жаңы муниципалдык башкаруу түзүлүп, кызматкерлердин саны көбөйтүлдү.

2025-жылы алты социалдык объекттин курулушу аяктады, жети объект боюнча долбоордук жана изилдөө иштерин жүргүзүү иштери аткарылды. Орок айылындагы бала бакча капиталдык оңдоп-түзөөдөн өттү, ошондой эле жети коммуналдык объект боюнча иштер жүргүзүлдү. Жалпы узундугу 12,16 км болгон 18 көчө оңдолду. Көчөлөрдүн сырттагы жарыгын өнүктүрүүгө 48,8 миллион сом жумшалды, натыйжада 2 078 жаңы жарык ноктосу орнотулду.

Бишкек шаардык мэриясынын санариптик технологиялар борбору транспорт жана байланыш министрлиги менен биргеликте «Менин шаарым» мобилдик тиркемесинин функционалын кеңейтти. Жаңы версияда коомдук транспорттун жайгашкан жерин реалдуу убакыт режиминде аныктоо, маршруттарды пландаштыруу мүмкүнчүлүктөрү киргизилди. Учурда «Менин шаарым» тиркемесинин активдүү колдонуучуларынын саны 531,4 миңге жетти.

Шаарды санариптик трансформациялоо алкагында «Автоэвакуатор» жана «Умная остановка» сыяктуу негизги долбоорлор ишке киргизилди. «Умная остановка» транспорттун маршруттарын, келүү убактысын көрсөтүп, үн коштоону колдойт. Мындан тышкары, «Муниципалдык мүлк» маалыматтык системасы иштелип чыкты, ал жерде ижарачылар үчүн жеке кабинет бар. Бул функция ижарачыларга документтерди даярдоого кетчү убакытты кыскартууга, электрондук форматта төлөмдөрдү жүргүзүүгө жана муниципалдык мекемелерге жеке баруунун зарылдыгын жоюуга мүмкүндүк берет.

2025-жылы Санкт-Петербургдун келечектеги шаар куруу боюнча илимий-изилдөө институту менен биргеликте 2050-жылга чейин шаарды өнүктүрүүнүн жалпы планын иштеп чыгуу долбоору даярдалды. Анын алкагында коомдук талкуулар жана угуу иштери өткөрүлүп, долбоорду ишке ашыруу боюнча кийинки кадамдар пландалууда.