Япония рекорддук кар жааганынан армияны тартты, каза болгондор бар

‹›

Япониядагы катуу кар жаашынын кесепетинен 46 адам каза болуп, 558 адам жаракат алды. Көпчүлүк учурларда каза болгондордун денелери кардын калың катмарынын астында бир нече күндөн кийин табылган. Көптөгөн кырсыктар имараттардын чатырларынан кардын түшүшү менен байланыштуу. Ошондой эле, жабыркаган аймактарда турак жайлардын бузулганы тууралуу маалыматтар келип түшүүдө.

Жаңы жылдын аягынан бери Япониянын түндүк аймактарын катуу кар жаашы каптап, айрым жерлерде кардын бийиктиги бир метрден ашып кеткен. Мисалы, Аомори жана Аджигасава шаарларында кардын калыңдыгы 1 метрден ашып, кээ бир жерлерде 4,5 метрге чейин жеткен. Аомори префектурасынын губернатору Соичиро Миясита жергиликтүү кызматтардын көчөлөрдү, турак жайларды жана темир жолдорду тазалоо боюнча кыйынчылыктарга дуушар болуп жатканын билдирди.

Февраль айынын башында аймактын бийликтери Япониянын өзүн-өзү коргоо күчтөрүнөн жардам сурашкан. Аскер кызматкерлери карды тазалоо иштерине жардам берип, өзгөчө карыялар жана жалгыз жашаган адамдарга көңүл бурууда. Соңку үч жумада Япониядагы катуу кар жаашынан 46 адам каза болуп, 600гө жакын адам жаракат алган.