Бишкектин жергиликтүү бюджетинин кирешелери 30,6 миллиард сомго жетти

‹›

Бишкек шаарындагы жергиликтүү бюджеттин кирешелери акыркы беш жылда 22,1 миллиард сомго көбөйүп, 3,6 эсе өскөн. Бул тууралуу Бишкек шаардык мэриясынын биринчи орун басары Мирланбек Байгончоков билдирди. Анын айтымында, мындай оң динамика жергиликтүү бюджеттин кирешелеринин негизги базасын бекемдегенин жана финансылык мүмкүнчүлүктөрдүн өсүшүн көрсөтөт.

2025-жылга карата жергиликтүү бюджеттин кирешелери 30,6 миллиард сомду түзүп, бул пландан 3,8% жогору, же 1,1 миллиард сомго көп. Салык кирешелери 20 363,1 миллион сомду түзүп, пландын 105,4% аткарылган, бул пландагы көрсөткүчтөн 1 036,6 миллион сомго көп. 2024-жылга салыштырганда салык кирешелеринин өсүү темпи 122,5%ды түзүп, фактически 16 626,0 миллион сомго жеткен, бул өткөн жылга салыштырганда 3 737,1 миллион сомго көбөйгөн.

Ошондой эле, салык эмес кирешелер 2,9 миллиард сомду, атайын трансферттер болсо 7,3 миллиард сомду түзгөн. Бүгүнкү күндө Бишкек шаардык мэриясынын жыйынтыктарын талкуулаган жыйын «Тунгуч» театрында өткөн, анда Кыргыз Республикасынын президентинин администрациясынын жетекчиси Адылбек Касымалиев төрагалык кылган. Жыйындын темасы 2025-жылдагы Бишкек шаарынын социалдык-экономикалык өнүгүүсүнүн жыйынтыктары жана 2026-жылга карата милдеттер болду.