Maalymat.kg сайтында жарыяланган материалдар жеке колдонуу үчүн гана арналган.
© 2024 - Иштеп чыккан Aura
Япония Баткен облусуна 43 даана атайын техника берди
Япония Баткен облусуна 43 даана атайын техниканы тапшырды. Бул иш-чара “Баткен облусунда автомобиль жолдорун жана жол жабдыктарын жакшыртуу” долбоорунун алкагында өткөрүлдү. Иш-чарага Япониянын Кыргызстандагы элчиси Хирано Рюити, JICA уюмунун туруктуу өкүлү Нишигато Котаро, транспорт жана байланыш министринин биринчи орун басары Бекназар Базаралиев, Баткен облусундагы президенттин ыйгарым укуктуу өкүлү Айбек Шаменов жана жергиликтүү бийлик өкүлдөрү катышты.
Япониянын JICA агенттигинин колдоосу менен Баткен облусуна 43 даана жол куруу жана эксплуатациялоо техникасы берилди. Ошондой эле, саатына 35 тонна асфальт өндүрүүчү асфальтобетон заводунун курулушу да аяктады. Облустун жетекчиси бул кызматташтыкты жогору баалап, Япониянын алыстыгына карабастан, ар дайым колдоо көрсөтүп жатканын белгиледи.
Асфальтобетон заводунун ишке кириши жолдорду куруу жана оңдоо үчүн керектүү материалдарды убагында жана сапаттуу камсыздоого мүмкүндүк берет. Модернизацияланган техника жолдордун күтүүсүн тездетет. 2025-жылы Баткен облусунда 84 км жол асфальтталып, 56 км гравий жолдор курулган. Бул жылы 300 км жолду асфальттоо жана 100 км гравий жолдорду куруу пландалууда.
