Ош шаарынын мэри белекке берилген унааны шаардык баланска өткөрдү

‹›

Ош шаарынын мэриясы

Ош шаарынын мэри Женишбек Токторбаевга Джалал-Абаддан “туугандары” Toyota Land Cruiser 300 үлгүсүндөгү унаа белек кылышты. Мэриядан билдиришкендей, мэр бул белекти жеке менчигинде калтырбоо чечимин кабыл алып, унааны Ош шаарынын мэриясынын балансына өткөрүүнү чечти. Ал мамлекеттик кызмат элге таандык экенин айтып, белектин да шаардыктарга кызмат кылышы керектигин белгиледи. Унаа келечекте шаардык кызматтардын ишин натыйжалуу уюштуруу үчүн колдонулат.

Ошондой эле, мындай кадам шаардагы кызмат көрсөтүүлөрдү жакшыртууга, элдин кызыкчылыктарын коргоого багытталган. Мэриянын мындай чечими шаардыктар үчүн маанилүү, анткени мамлекеттик ресурстарды элдин кызыкчылыгына пайдалануу – бул жоопкерчиликтүү башкаруунун белгиси.