Нур Чолпон Кыргызстанды “Voice Beyond Horizon” музыкалык долбоорунда көрсөттү (видео)

‹›

Кыргызстандык ырчы жана композитор Нур Чолпон эл аралык музыкалык долбоордо өлкөнү таанытты. 2026-жылдын 5-февралында Hunan Satellite TV жана Mango TV платформасында көрсөтүлгөн Voice Beyond Horizon долбоорунда ал кыргыздын байыркы «Беш ыргай» элдик ырын заманбап интерпретацияда аткарды. Бул чыгарма аркылуу ал улуттук музыкалык мурастын байлыгын көрсөттү.

Нур Чолпон Кыргызстанда опера жанрында биринчи аял композитор болуп саналат. Ал традициялык комуз үнүн заманбап музыкалык чечимдер менен бириктирип, уникалдуу стилди жаратууда. Долбоордун алкагында дүйнөнүн ар кайсы өлкөлөрүнөн келген аткаруучулар чогулуп, маданий диалогду өнүктүрүүгө жана Улуу Жибек жолундагы гуманитардык байланыштарды бекемдөөгө көмөктөшүүдө.

Маданият министрлиги жергиликтүү артисттердин эл аралык аренада өлкөнү таанытуудагы маанилүү ролун белгилеп, кыргыз маданиятын чет өлкөлөрдө популярдаштыруудагы салымын жогору баалады. Нур Чолпондун долбоорго катышуусу Кыргызстандын маданий престижин көтөрүүгө жана эл аралык маданий кызматташтыкты бекемдөөгө чоң салым кошту.