Масштабдуу башаламандык боюнча 75 жаран Ички иштер министрлигине жеткирилди. Үчөө кармалды

‹›

Кыргызстанда массалык башаламандык уюштурууга шектелген жарандар кармалды. Бул тууралуу Кыргыз Республикасынын Ички иштер министрлиги маалымдады.

9-февралда интернетте жана маалымат каражаттарында 75 жаран президент Садыр Жапаровго жана Жогорку Кеңештин төрагасы Нурланбек Тургунбек уулуна жаңы президенттик шайлоолорду өткөрүү боюнча тез арада демилге көтөрүү өтүнүчү менен кайрылышкан. Кайрылууга илинген илимпоздор, мурдагы премьер-министрлер, экс-депутаттар жана коомдук ишмерлер кол койгон.

Кайрылуудан чыккан айрым билдирүүлөр коомчулукта активдүү талкууларды жараткан жана өлкөдөгү коомдук-саясий абалды курчутууга себеп болгон. Бул факт боюнча ИИМдин тергөө бөлүмү Кыргыз Республикасынын Кылмыш-жаза кодексинин 278-беренесинин 1-бөлүгүнө ылайык кылмыш ишин козгоду. Бүгүн кайрылууда аталган 75 жаран ИИМдин тергөө бөлүмүнө жеткирилди, анда тергөө иштери жүргүзүлдү.

Кылмыштын демилгечилери жана активдүү катышуучулары Т.Б. жана У.Э. (1955-жылы туулган), Д.К. (1960-жылы туулган) кармалып, Кылмыш-процессуалдык кодексинин 96-беренесине ылайык тергөө абагына жайгаштырылды. Кармалгандардын жашаган жеринде тинтүү жүргүзүлдү.

ИИМ жарандарды провокациялык маалыматка ишенбөөгө жана аны таратуудан алыс болууга чакырат.