42 миллиард сом агроөнөр жай комплексин өнүктүрүүгө жумшалат

‹›

Кыргызстанда 2026-жылы айыл чарба секторун колдоо үчүн 42 миллиард сомдон ашык каражат бөлүнөт. Бул тууралуу суу ресурстары, айыл чарба жана кайра иштетүү өнөр жайы министри Бакыт Торобаев Жогорку Кеңеште билдирип, жазгы талаа иштерине даярдык тууралуу маалымат берди.

Министрдин айтымында, жазгы талаа иштерин убагында жана сапаттуу өткөрүү, фермерлерди жана агрегаторлорду колдоо максатында өкмөт бир катар мамлекеттик долбоорлорду жана инвестициялык программаларды ишке ашырууда. Алардын арасында “ФСХ-14”, “КАПК”, “ФОТП-2”, “Асыл-тукум” племдик чарбаларын өнүктүрүү, “Семеноводдук питомниктерди өнүктүрүү”, “Чүй облусунда жана Бишкекте эт кластерин өнүктүрүү”, “Суу үнөмдөө технологияларын жакшыртуу” долбоорлору бар.

Долбоорлор төмөнкү финансылык институттар аркылуу ишке ашырылат: Азия өнүктүрүү банкы, Дүйнөлүк банк, “Регионалдык экономикалык өнүктүрүү” программасы, социалдык өнөктөштүк фонду, KOICA.

Бакыт Торобаев президент Садыр Жапаровдун айыл чарбага болгон өзгөчө көңүлүн эске алып, 2026-жылы агропромышленный комплекс үчүн республикалык бюджеттен 6 миллиард сом, атайын эсептен 1,5 миллиард сом, мамлекеттик инвестициялык долбоордон 11 миллиард сом, капиталдык салымдардан 14,3 миллиард сом бөлүнгөнүн белгиледи.

Жалпы финансылык колдоо 42 миллиард сомдон ашып, айыл чарбаны өнүктүрүүгө багытталат. Бул чаралар фермерлерди жана агрегаторлорду колдоого, ирригациялык инфраструктураны жакшыртууга жана агропромышленный комплексин туруктуу өнүктүрүүгө арналган.